نۇرسۇلتان نازاربايەۆ باۋىرجان بايبەككە ءبىرقاتار تاپسىرما جۇكتەدى
قازاقستاننىڭ تۇڭعىش پرەزيدەنتى - پارتيا ءتوراعاسىنا حالىقپەن كەرى بايلانىستى كۇشەيتۋ جانە پارتيا اكتيۆى قۇرامىنىڭ ساپاسىن جاقسارتۋ بويىنشا قابىلدانعان شارالار جونىندە، سونداي- اق ساياسي كەڭەستىڭ كەڭەيتىلگەن وتىرىسىنا دايىندىق بارىسى تۋرالى باياندالدى.
«2019 -جىلى پارتياعا 213 مىڭنان استام ازامات ءوتىنىش ءبىلدىردى. بۇل ءبىر جىل بۇرىنعى كورسەتكىشتەن 34 پايىزعا كوپ. ساۋالنامالارعا سايكەس، ءاربىر ءتورتىنشى قازاقستاندىق ماسەلە تۋىنداعان جاعدايدا «Nur Otan» پارتياسىنا جۇگىنەدى. ءسىزدىڭ تاپسىرماڭىزعا سايكەس وڭىرلەردى ارالاۋ باستالدى. اسىرەسە، شالعايداعى ەلدى مەكەندەرگە ەرەكشە نازار اۋدارىپ وتىرمىز. جۋىردا اتىراۋ وبلىسىنىڭ ماقات جانە جىلىوي اۋداندارىندا بولدىق» ، - دەدى ب. بايبەك.
ەلباسى ازاماتتاردىڭ ماسەلەلەرىن شەشۋدە پارتيانىڭ بەلسەندى بولۋىنىڭ ماڭىزدىلىعىن ايتا كەلە، حالىقتىڭ ءومىر ءسۇرۋ دەڭگەيىن جاقسارتۋعا باعىتتالعان ءىس- شارالاردى جۇزەگە اسىرۋ تۇرعىسىنان وڭىرلەردەگى ينفراقۇرىلىمدىق دامۋ ماسەلەسىنە توقتالدى.
«اتىراۋ مەن استراحان اراسىنداعى جول قۇرىلىسى ءجۇرىپ جاتىر. اقتوبە مەن اتىراۋ قالالارى اراسىندا دا جول سالىنادى. ءىرى اۆتوجولداردىڭ قۇرىلىسىن اياقتاعاننان كەيىن، وبلىسىشىلىك جولداردىڭ قۇرىلىسىنا كىرىسۋ قاجەت. بۇل تۇرعىندار ءۇشىن وتە ماڭىزدى» ، - دەدى نۇرسۇلتان نازاربايەۆ.
كەزدەسۋ سوڭىندا «Nur Otan» پارتياسىنىڭ ءتوراعاسى ءبىرقاتار ناقتى تاپسىرما بەردى.
بۇعان دەيىن حابارلاعانىمىزداي، «Nur Otan» پارتياسىنىڭ ءتوراعاسى - ەلباسى نۇرسۇلتان نازاربايەۆ 2020 -جىلدىڭ 18 - ناۋرىزىندا پارتيانىڭ ساياسي كەڭەسىنىڭ كەڭەيتىلگەن وتىرىسىن شاقىرۋ تۋرالى قاۋلىعا قول قويدى.
