قازاقستاندىقتار مەديتسينالىق اپپاراتتاردان تەگىن وتە الادى

نۇر- سۇلتان. قازاقپارات - قازاقستاندىقتار ەمحانادا كومپيۋتەرلىك توموگرافيا (ك ت) مەن ماگنيتتى رەزونانستى توموگرافيادان (م ر ت) تەگىن وتە الادى، دەپ حابارلايدى قازاقپارات ءتىلشىسى.

«№6 قالالىق ەمحانادا 90404 ادام تىركەلگەن. ءبىزدىڭ نەگىزگى مىندەتىمىز - العاشقى مەديكو- سانيتارلىق كومەك، بالالارعا مامانداندىرىلعان مەديتسينالىق كومەك، ەرەسەكتەرگە ارنالعان مامانداندارىلعان مەديتسينالىق كومەك كورسەتۋ. م ءا م س اياسىندا ءبىزدىڭ مۇمكىندىگىمىز كەڭەيە ءتۇستى. قوسىمشا قارجىلاندىرىلعاندىقتان، بىزگە ەمدەلۋگە كەلگەن ناۋقاس باسقا ەمحاناعا بارماي- اق بارلىق مەديتسينالىق قىزمەت تۇرلەرىن الا الادى»، - دەيدى ەمحانانىڭ باس دارىگەرى دينارا بايسەركينا باستاپقى دەڭگەيدە مەديتسينالىق كومەك كورسەتەتىن دەنساۋلىق ساقتاۋ ۇيىمدارى بويىنشا وتكەن باسپا ءسوز تۋرىندا.

سونداي- اق، ول ەمحانادا كومپيۋتەرلىك توموگرافيا بار ەكەنىن، ەرەسەكتەرگە جانە بالالارعا ارنالعان وڭالتۋ ورتالىقتارى اشىلعانىن ايتتى.

«1 - قاڭتاردان باستاپ م ءا م س- كە بايلانىستى مەديتسينا سالاسىندا وتە ۇلكەن وزگەرىستەر بولىپ جاتىر. اسىرەسە وڭالتۋ بويىنشا ۇلكەن جۇمىستار جۇرگىزىلۋدە. بىزدە 12 توسەكتىك وڭالتۋ جۇمىستارىنا ارنالعان قوسىمشا اشىلدى. ول مەديتسينالىق قۇرىلعىلارمەن تولىق قامتاماسىز ەتىلدى. وعان ۇلكەن قاراجات بولىنۋدە. بۇرىن كومپيۋتەرلىك توموگرافيا (ك ت) مەن ماگنيتتى رەزونانستى توموگرافيا (م ر ت) تەك الەۋمەتتىك قۇرامعا كىرەتىن ناۋقاستار وتە السا، قازىر مەديتسينالىق ساقتاندىرىلعان كەز كەلگەن ناۋقاس تەگىن تۇردە وتە الادى»، - دەيدى №6 ەمحانانىڭ ەمدەۋ ءىسى بويىنشا باس دارىگەرىنىڭ ورىنباسارى ەرجان قاليەۆ.

سونىمەن قاتار، ول ورتالىق امبۋلاتوريالىق حيرۋرگيا دامىپ كەلە جاتقانىن ايتتى.

«بۇرىن تەڭ قانا ستاتسيوناردا ىستەلىنەتىن وتالار قازىرگى ۋاقىتتا ەمحانا ىشىندە دە ىستەلە بەرەدى. بۇل دا ۇلكەن جەتىستىك. سونداي- اق، تەگىن بەرىلەتىن 640 ءدارى- دارمەكتىڭ 404 ءتۇرى م ءا م س اياسىندا بەرىلەدى»، - دەيدى ول.