ق ر پرەزيدەنتى اۆياتسيا سالاسىنداعى باسەكەلەستىكتىڭ ماڭىزدىلىعىنا نازار اۋداردى
قاسىم-جومارت توقايەۆقا قازاقستاندا «اشىق اسپان» جۇيەسىن قۇرۋ جونىندە اتقارىلعان جۇمىستار تۋرالى باياندالدى. بيىل قاتار، پولشا، ومان، بەلارۋس، مالايزيا، رۋمىنيا، بىرىككەن اراب امىرلىكتەرى، كۋۆەيت سەكىلدى ەلدەردىڭ تانىمال اۋە كومپانيالارى 14 جاڭا باعىت اشادى دەپ جوسپارلانۋدا. شۆەيتساريا، وڭتۇستىك كورەيا، سينگاپۋر، لاتۆيا، ليتۆا ەلدەرىندەگى اۆياتسيا سالاسىنىڭ باسشىلىعىمەن كەلىسسوزدەر جۇرگىزىلىپ جاتىر.
رومان سكليار مەملەكەت باسشىسىنىڭ 2019 -جىلعى تاپسىرمالارى ورىندالىپ، ناتيجەسىندە جاڭا 12 باعىت - ەلوردادان پراگاعا، ۇلانباتىرعا جانە توكيوعا رەيستەر اشىلعانىن حابارلادى.
پرەزيدەنت مۇددەلى مەملەكەتتەرمەن اراداعى اۋە قاتىناستارىن كەڭەيتۋدى، سونداي-اق، قازاقستاننىڭ نەگىزگى اۋەجايلارى ارقىلى وتەتىن جۇك تاسىمالىنىڭ كولەمىن ۇلعايتۋدى تاپسىردى.
قاسىم-جومارت توقايەۆ اۆياتسيا سالاسىنداعى باسەكەلەستىكتى ارتتىرۋدىڭ ماڭىزدىلىعىن اتاپ ءوتىپ، ونىڭ جولاۋشىلارعا قىزمەت كورسەتۋ ساپاسىنا جانە ازاماتتىق اۆياتسيانى دامىتۋعا وڭ اسەر ەتەتىنىن ايتتى.
