ب. سۇلتانوۆ: تاۋارلاردى شەكارا ارقىلى وتكىزۋ كوروناۆيرۋستىڭ تارالۋىنا اسەر ەتپەيدى
«تاۋارلار اينالىمى ۆيرۋستىڭ تارالۋىنا اسەر ەتپەيدى، سوندىقتان بۇگىنگى تاڭدا تاۋارلاردىڭ جەتكىزىلۋىنە شەكارا اشىق. قول قويىلعان كەلىسىمشارتتار جۇمىسىن جالعاستىرۋدا. باستى ايتا كەتەرلىگى، ۋحان بويىنشا شىعىن جوق. قىتايلىقتار تەگىن پاۆيلونداردى ۇسىندى، وندا بىزدىكىلەر ءوز ونىمدەرىن قويدى. قىتايعا جەتكىزىلگەن تاۋارلاردىڭ بارلىعى ساتىلدى. قازىرگى تاڭدا جاڭا جەتكىزىلىمدەر تۋرالى ماسەلە قاراستىرىلۋدا»، - دەدى ب. سۇلتانوۆ.
ونىڭ ايتۋىنشا، قىتاي يمپورتىنىڭ ۇلەسى تەك % 0,1 قۇرايدى. ەگەر قىتايدان قازاقستان نارىعىنا تاۋارلار جەتكىزۋ توقتاتىلسا دا، بۇل ءونىمنىڭ باعاسىن قۇرۋعا ەش اسەر ەتپەۋى ءتيىس. ساۋدا جانە ينتەگراتسيا ءمينيسترى وسى جىلدىڭ قاڭتار ايىندا باعالاردىڭ % 0,3- عا ماۋسىمدىق ءوسىمى بايقالاتىنىن اتاپ ءوتتى. سونىمەن قاتار ول وتكەن جىلدىڭ قاڭتار ايىنداعى كورسەتكىشكە قاراعاندا 2 ەسە از.
ەگەر استىقتىڭ جەتكىلىكتى كولەمدە شىقپاي قالۋى مەن ەكسپورتقا بايلانىستى بارلىق وبەكتيۆتى فاكتورلاردى شەكتەسە، وندا باعا ءوسىمىنىڭ سەبەبى - باعالاردىڭ مونيتورينگى جانە جەدەل شارالار قابىلداۋ بويىنشا اكىمدىكتەردىڭ جەتكىلىكسىز جۇمىس ىستەۋى. وتكەن جىلى بارلىق وڭىرلەردە شەكتى باعادان اسىپ تۇسكەن 67 جاعداي تىركەلگەن.
«2019 -جىلى مونوپولياعا قارسى ورگان 198 حابارلاما جىبەردى، ونىڭ ىشىندە 83- ءى - ساۋدا جەلىلەرىنە. ونىڭ 182- ءسى ورىندالدى، ونىڭ 75- ءىن ساۋدا جەلىلەرى ورىندادى. بۇل باعانىڭ ءوسۋىن ءبىرشاما تۇراقتاندىرۋعا مۇمكىندىك بەردى. ءوسىم تەك % 0,1 كولەمىندە تىركەلدى، بۇل وتكەن جىلدارعا قاراعاندا ءبىرشاما از. جەرگىلىكتى اتقارۋشى ورگاندار جۇيەلى تۇردە جۇمىس ىستەۋى قاجەت، اكىمدەر ءوندىرىس پەن تۇتىنۋ تەڭگەرىمىن تالداۋ بويىنشا، وڭىرلەر اراسىنداعى اينالىم بويىنشا بەلسەندى جۇمىس ىستەپ، كاسىپكەرلەرگە تىكەلەي بايلانىس ورناتۋعا كومەكتەسۋى قاجەت»، - دەدى مينيستر. ب. سۇلتانوۆ.
وسىنداي بالامالى قۇرالداردىڭ ءبىرى «اينالىم سحەماسى» دەپ اتالاتىن جەڭىلدىكتى قارجىلاندىرۋ ارقىلى باعانى ۇستاپ تۇرۋ مىندەتتەمەلەرىن قابىلداۋ بويىنشا ساۋدا جەلىلەرىن ىنتالاندىرۋ تەتىگى بولىپ تابىلاتىنىن اتاپ ءوتتى.
