پرەزيدەنت ۇكىمەتكە ۇلتتىق ەكونوميكانىڭ تۇراقتى ءوسىمىن قامتاماسىز ەتۋدى تاپسىردى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ پرەمەر-مينيستر اسقار ءماميندى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا كوروناۆيرۋستىڭ تارالۋى سالدارىنان الەمدىك نارىقتاعى قالىپتاسقان جاعدايعا بايلانىستى قازاقستان ەكونوميكاسىنىڭ قازىرگى احۋالى مەن ونى دامىتۋدىڭ پەرسپەكتيۆالارى قاراستىرىلدى.

قازاقستان پرەزيدەنتى ۇكىمەتكە ۇلتتىق ەكونوميكانىڭ تۇراقتى ءوسىمىن قامتاماسىز ەتۋ، جوسپارلانعان قۇرىلىمدىق رەفورمالاردى جۇزەگە اسىرۋ، حالىقتىڭ قاجەتتىلىكتەرىن وتەۋ ءۇشىن جەدەل شارالار قابىلداۋدى تاپسىردى.