كاسىپكەرلەر قىتايمەن شەكارا جابىلدى دەپ ازىق-تۇلىك باعاسىن ءوسىرىپ وتىر - سۇلتانوۆ
بۇل تۋرالى بۇگىن ۇكىمەت وتىرىسىندا ق ر ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.
«تۇتىنۋشىلارىمىزعا ءوتىنىشىم بار. قازىرگى ۋاقىتتا ءبىرقاتار تاۋار ساتۋشىلارى قىتايمەن شەكارا جابىلعانىن سىلتاۋراتىپ، ازىق-تۇلىكتىڭ باعاسىن كوتەرە باستادى. وسىعان وراي قازاقستان قىتايدان اكەلىنەتىن جانە قىتايعا جەتكىزىلەتىن تاۋار قوزعالىسىن توقتاتپاعانىن حابارلايمىن. بۇل - تەك بيزنەستىڭ جوسىقسىز ارەكەتى. وسى سەبەپتى باعانى كوتەرۋگە بولمايدى»، - دەدى ول.
مينيستر تۇتىنۋشىلاردان وسىنداي جاعدايعا، سونداي-اق بازارلاردا نەمەسە ساۋدا نىساندارىندا باعا ءسوز بايلاسۋىنا كۋا بولسا 87172751632، 87172749832 تەلەفون نومىرلەرىنە حابارلاسۋدى ءوتىندى.
«ءبىز ءسوز بايلاسۋلارعا جەدەل دەن قويىپ، ونى جويا الامىز»، - دەدى باقىت سۇلتانوۆ.
