11:07, 04 - اقپان 2020 | GMT +5
ەلىمىزدە «ونلاين نەكە» بايقاۋى جاريالاندى
الماتى. قازاقپارات - «ازاماتتارعا ارنالعان ۇكىمەت» مەملەكەتتىك كورپوراتسياسى كەشە ە ت س ق كومەگىمەن ءوتىنىش بەرە وتىرىپ، جاقىن ارادا نەكەسىن تىركەگەن جۇپتار اراسىندا «ونلاين نەكە» بايقاۋىن جاريالادى، دەپ حابارلايدى قازاقپارات.
بايقاۋ تالاپتارىن اتالعان كورپوراتسيانىڭ الماتىداعى بولىمشەسىنىڭ باسپا ءسوز حاتشىسى جاڭىل اپەتوۆا ءتۇسىندىردى .
«وزدەرىڭىزدىڭ تانىسۋ حيكايالارىڭىزدى، نەكەنى تىركەۋگە ونلاين-ءوتىنىش بەرگەنىڭىز جانە ح ق و- عا بارماي-اق مەملەكەتتىك قىزمەتتى العانىڭىز جايلى پوست جازىپ، اسەرلەرىڭىزبەن بولىسسەڭىزدەر بولعانى. ءبىزدى پوستتا بەلگىلەپ، بايقاۋدىڭ ناتيجەسى شىققانعا دەيىن اككاۋنتتى اشىق قالدىرىڭىز»، - دەدى جاڭىل اپەتوۆا.
بايقاۋ 14- اقپاندا قورىتىندىلاناتىن بولادى. 3 جەڭىمپاز تاڭدالادى. باستى جۇلدەگەر ەڭ كوپ لايك سانى بويىنشا انىقتالادى. تاعى ەكى جەڭىمپاز داۋىس بەرۋ ادىسىمەن تاڭدالادى.
