سالىقتان بوساتۋ ەرەجەلەرى كىمدەرگە قولدانىلمايدى
بۇل تۋرالى بۇگىن ورتالىق كوممۋنيكاتسيالار قىزمەتىندە ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ مىندەتىن اتقارۋشى جانىبەك نۇرجانوۆ ءمالىم ەتتى، دەپ حابارلايدى قازاقپارات ءتىلشىسى.
«ارناۋلى سالىق رەجيمدەرىن (پاتەنت نەگىزىندە، وڭايلاتىلعان دەكلاراتسيا نەگىزىندە، تىركەلگەن شەگەرىمدى پايدالانۋمەن، اۋىل شارۋاشىلىعى ءونىمىن وندىرۋشىلەر مەن اۋىل شارۋاشىلىعى كووپەراتيۆتەرى ءۇشىن، سونداي- اق، شارۋا نەمەسە فەرمەرلىك قوجالىقتار ءۇشىن ارناۋلى سالىق رەجيمىن) قولداناتىن جانە ميكرو جانە شاعىن كاسىپكەرلىك سۋبەكتىسى بولىپ تانىلاتىن تۇلعالار «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» ق ر كودەكسىن قولدانىسقا ەنگىزۋ تۋرالى» ق ر زاڭىنىڭ 57-4-بابىنىڭ ەرەجەلەرىنە سايكەس، 2020 -جىلدىڭ 1 - قاڭتارىنان 2022 -جىلدىڭ 31 - جەلتوقسانى ارالىعىندا الىنعان تابىستارعا سالىناتىن سالىقتان بوساتۋ بويىنشا ەرەجەلەردى قولدانۋعا قۇقىلى»، - دەيدى جانىبەك نۇرجانوۆ.
ونىڭ ايتۋىنشا، بيىلعى 1 - قاڭتاردان 2023 -جىلعى 1 - قاڭتارعا دەيىنگى كەزەڭدە ارناۋلى سالىق رەجيمدەرىن قولداناتىن جانە ميكروكاسىپكەرلىك نەمەسە شاعىن كاسىپكەرلىك سۋبەكتىلەرى بولىپ تانىلاتىن تۇلعالار، ونىڭ ىشىندە ءبىرىڭعاي جەر سالىعىن تولەۋشىلەر، تولەنۋگە جاتاتىن:
1) وسى كودەكستىڭ 686, 687, 695, 700 - باپتارىنا سايكەس ەسەپتەلگەن كورپوراتيۆتىك (جەكە) تابىس سالىعىنىڭ سوماسىن (تولەم كوزىنەن ۇستالاتىننان باسقا) ؛
2) وسى كودەكستىڭ 687-بابىنا سايكەس ەسەپتەلگەن الەۋمەتتىك سالىق سوماسىن؛
3) وسى كودەكستىڭ 704-بابىنا سايكەس ەسەپتەلگەن ءبىرىڭعاي جەر سالىعىنىڭ سوماسىن 100 پايىزعا ازايتادى.
سونداي- اق، ول سالىقتان بوساتۋ بويىنشا ەرەجەلەر كىمدەرگە قولدانىلمايتىنىن ايتتى.
«سالىقتان بوساتۋ بويىنشا ەرەجەلەر تومەندە اتالعاندارعا قولدانىلمايدى. ولار: ەسىرتكى، پسيحوتروپتىق زاتتار مەن پرەكۋرسورلار اينالىمىمەن بايلانىستى قىزمەت؛ اكسيزدەلەتىن ءونىمدى ءوندىرۋدى جانە (نەمەسە) كوتەرمە ساۋدادا وتكىزۋ؛ استىق قابىلداۋ پۋنكتتەرىندە استىق ساقتاۋ جونىندەگى قىزمەت؛ لوتەرەيا وتكىزۋ؛ ويىن بيزنەسى سالاسىنداعى قىزمەت؛ راديواكتيۆتى ماتەريالدار اينالىمىمەن بايلانىستى قىزمەت؛ بانك قىزمەتىن (نە بانك وپەراتسيالارىنىڭ جەكەلەگەن تۇرلەرىن) جانە ساقتاندىرۋ نارىعىنداعى قىزمەت (ساقتاندىرۋ اگەنتىنىڭ قىزمەتىنەن باسقا) ؛ اۋديتورلىق قىزمەت؛ باعالى قاعازدار نارىعىنداعى كاسىپتىك قىزمەت؛ كرەديتتىك بيۋرولاردىڭ قىزمەتى؛ كۇزەت قىزمەتى؛ ازاماتتىق جانە قىزمەتتىك قارۋ مەن ونىڭ پاتروندارى اينالىمىمەن بايلانىستى قىزمەت؛ جەر قويناۋىن پايدالانۋ سالاسىنداعى قىزمەت، ونىڭ ىشىندە كەن ىزدەۋشىلەر قىزمەت؛ پايدالى قازبالار وتكىزۋدى، ترەيدەرلەردىڭ قىزمەتىن، كومىر، مۇناي وتكىزۋ جونىندەگى قىزمەت؛ مۇناي ونىمدەرىنىڭ جەكەلەگەن تۇرلەرىن، بەنزيندى، ديزەل وتىنىن جانە مازۋتتى بولشەك ساۋدادا وتكىزۋ؛ سىرتقى ەكونوميكالىق قىزمەتتى جۇزەگە اسىراتىن سالىق تولەۋشىلەر» ، - دەيدى ول.
