ۇكىمەت ە ا ە و اۋماعىنان كولىك اكەلۋگە قاتىستى جاڭا قاۋلى شىعاردى
قازاقپارات اتالعان قاۋلىنىڭ تولىق ءماتىنىن جاريالايدى.
ەۋرازيالىق ەكونوميكالىق وداققا مۇشە مەملەكەتتەردە تىركەلگەن جەكەلەگەن كولىك قۇرالدارىن قازاقستان رەسپۋبليكاسىنا اكەلۋدىڭ جانە قازاقستان رەسپۋبليكاسى ازاماتتارىنىڭ پايدالانۋىنىڭ كەيبىر ماسەلەلەرى تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىن ىسكە اسىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2016-جىلعى 27 - قاڭتارداعى 28№ قاۋلىسىنا (قازاقستان رەسپۋبليكاسىنىڭ پ ۇ ا ج- ى، 2016 ج. , № 3-4, 18-قۇجات) مىناداي تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىن ىسكە اسىرۋ قاعيدالارىندا:
20-تارماق مىناداي مازمۇنداعى ەكىنشى ابزاتسپەن تولىقتىرىلسىن:
«قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020-جىلعى 1 - اقپانعا دەيىن اكەلگەن اۆتوكولىك قۇرالدارىنا قاتىستى تولەم 2021-جىلعى 1 - ناۋرىزعا دەيىن ەنگىزىلەدى.»؛
22-تارماق مىناداي مازمۇنداعى ابزاتسپەن تولىقتىرىلسىن:
«وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەردى ورىنداعانىن راستايتىن قۇجات قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020-جىلعى 1 - اقپانعا دەيىن اكەلگەن اۆتوكولىك قۇرالدارىن باستاپقى تىركەۋ كەزىندە جول قاۋىپسىزدىگىن قامتاماسىز ەتۋ جونىندەگى ۋاكىلەتتى ورگانعا 2021-جىلعى 1 - ناۋرىزعا دەيىن ۇسىنىلادى.»؛
2. قازاقستان رەسپۋبليكاسىنىڭ ىشكى ىستەر مينيسترلىگى 2020-جىلعى 1 - ناۋرىزعا دەيىن زاڭنامادا بەلگىلەنگەن تارتىپپەن:
1) قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020-جىلعى 1 - اقپانعا دەيىن اكەلگەن، «دوڭگەلەكتى كولىك قۇرالدارىنىڭ قاۋىپسىزدىگى تۋرالى» ەۋرازيالىق ەكونوميكالىق وداق تەحنيكالىق رەگلامەنتىنىڭ (كەدەن وداعى كوميسسياسىنىڭ 2011-جىلعى 9 - جەلتوقسانداعى 877№ شەشىمى) تالاپتارىنا سايكەس كەلەتىن اۆتوكولىك قۇرالدارىن تىركەۋ؛
2) كورسەتىلگەن ساناتتاعى اۆتوكولىك قۇرالدارىن تىركەۋ تۋرالى كۋالىكتەردىڭ جارامدىلىق مەرزىمىن 2021-جىلعى 1 - ناۋرىزعا دەيىن بەلگىلەۋ؛
3) قازاقستان رەسپۋبليكاسىنىڭ ازاماتتارى ەۋرازيالىق ەكونوميكالىق وداققا مۇشە مەملەكەتتەردەن 2020-جىلعى 1 - اقپانعا دەيىن اكەلگەن كولىك قۇرالدارىن تىركەۋ جونىندەگى اقپاراتتى قازاقستان رەسپۋبليكاسىنىڭ قارجى مينيسترلىگىنە جىبەرۋ بويىنشا شارالار قابىلداسىن.
3. قازاقستان رەسپۋبليكاسىنىڭ قارجى، ىشكى ىستەر، ادىلەت، ەكولوگيا، گەولوگيا جانە تابيعي رەسۋرستار مينيسترلىكتەرى زاڭنامادا بەلگىلەنگەن تارتىپپەن وسى قاۋلىدان تۋىندايتىن شارالاردى قابىلداسىن.
4. وسى قاۋلى العاش رەسمي جاريالانعان كۇنىنەن باستاپ قولدانىسقا ەنگىزىلەدى جانە 2021-جىلعى 1 - ناۋرىزعا دەيىن قولدانىلادى.
قازاقستان رەسپۋبليكاسىنىڭ پرەمەر-ءمينيسترى ا. مامين
