قازاقستان ۇلى بريتانيامەن ىنتىماقتاستىق جونىندە كەلىسىم جاساۋ ءۇشىن كەلىسسوزدەر جۇرگىزۋدە
ونىڭ بارىسىندا ۇلى بريتانيا ە و اياسىندا قابىلدانعان بارلىق مىندەتتەمەلەر مەن كەلىسىمدەردى ورىنداۋدى جالعاستىرادى، دەپ حابارلادى ق ر سىرتقى ىستەر مينيسترلىگىنىڭ باسپا ءسوز قىزمەتى. ۇلىبريتانيا قازاقستاننىڭ نەگىزگى ساۋدا سەرىكتەستەرىنىڭ ءبىرى جانە ولاردىڭ قازاقستان ەكونوميكاسىنا سالعان ينۆەستيتسيالارى كولەمى بويىنشا التىنشى ورىندا. 2019 -جىلدىڭ توعىز ايىندا تاۋار اينالىمى 749,9 ميلليون ا ق ش دوللارىن قۇرادى. سوڭعى 14 جىل ىشىندە ۇلى بريتانيادان كەلگەن تىكەلەي ينۆەستيتسيالار 13 ميلليارد دوللاردان استى.
ايتا كەتەتىن جايت، 2015 -جىلى قازاقستان ەۋروپالىق وداقپەن كەڭەيتىلگەن سەرىكتەستىك پەن ىنتىماقتاستىق تۋرالى (ك س ى ك) كەلىسىمگە قول قويدى. اتالعان كەلىسىم 2020 -جىلدىڭ 1- ناۋرىزىندا كۇشىنە ەنەدى جانە ساۋدا- ەكونوميكالىق جانە ينۆەستيتسيالىق بايلانىستاردى قۇرۋ ءۇشىن قاجەتتى نەگىز جاسايدى. وتپەلى كەزەڭدى ەسكەرە وتىرىپ، ك س ى ك 2020 -جىلدىڭ سوڭىنا دەيىن ۇلى بريتانيا ءۇشىن كۇشىن جويمايدى. قازىرگى ۋاقىتتا ۇلى بريتانيامەن قازاقستاندىق- بريتان ەكىجاقتى قارىم- قاتىناستاردىڭ كەڭ سپەكترىن قامتيتىن ستراتەگيالىق سەرىكتەستىك پەن ىنتىماقتاستىق تۋرالى كەلىسىمدى اعىمداعى جىلى جاساسۋ تۋرالى كەلىسسوزدەر جۇرگىزىلۋدە. وسىعان دەيىن ۇلى بريتانيانىڭ رەفەرەندۋمنان سوڭ 3,5 -جىلدان كەيىن رەسمي تۇردە ە و- دان شىققانى حابارلاندى.
