الماتىدا ارانداتۋشىلىققا جول بەرمەۋگە شاقىردى: قالادا كوروناۆيرۋس تىركەلگەن جوق
بۇل روليك - جالعان، دەپ حابارلايدى قازاقپارات الماتى اكىمدىگىنىڭ باسپا ءسوز قىزمەتىنە سىلتەمە جاساپ.
تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مەن قالالىق قوعامدىق دەنساۋلىق باسقارماسى بىرلەسىپ، 2020-جىلدىڭ 30- قاڭتارىندا الماتى قالاسىندا كوروناۆيرۋس ينفەكتسياسىنىڭ تىركەلمەگەنىن رەسمي مالىمدەيدى.
«قالادا جاعداي تۇراقتى. سىزدەردەن ارانداتۋشىلىققا، قاۋەسەتكە سەنبەۋگە، تەك بيلىك تاراپىنان بەرىلەتىن رەسمي اقپارات كوزدەرىنە جۇگىنۋدى سۇرايمىز. ءبىز قۇقىق قورعاۋ ورگاندارىنا ارانداتۋشىلاردى انىقتاۋ جونىندە ءوتىنىش بەردىك»، — دەدى الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسيموۆا.
بۇگىنگى كۇنى الماتى قالاسىندا كوروناۆيرۋستىق ينفەكتسيانىڭ تارالۋىنىڭ الدىن الۋ جانە بولدىرماۋ بويىنشا شارالار جۇزەگە اسىرىلۋدا. بۇل ماسەلە قالا باسشىسىنىڭ ءجىتى باقىلاۋىندا. سونداي-اق قالا اكىمنىڭ ورىنباسارى ەرجان باباقۇماروۆتىڭ توراعالىعىمەن كوروناۆيرۋس ينفەكتسياسىنىڭ تارالۋىنىڭ الدىن الۋ جونىندەگى وڭىرلىك شتاب جۇمىس ىستەيدى.
سونداي-اق، بۇگىن استانادا وتكەن باسپا ءسوز ءماسليحاتىندا ق ر دەنساۋلىق ساقتاۋ ءمينيسترى ە. ءبىرتانوۆ قازاقستاننىڭ بىردە-ءبىر وڭىرىندە، ونىڭ ىشىندە ءىرى قالالاردا كوروناۆيرۋس جاعدايلارى تىركەلمەگەنىن اتاپ ءوتتى.
ايتا كەتەرلىگى، قالا باسشىلىعى الماتىداعى جاعدايدى باقىلاۋدا ۇستاپ وتىر.
ەسكە سالا كەتسەك، ق ر دەنساۋلىق ساقتاۋ مينيسترلىگى اتالمىش ۆيدەونىڭ جالعان ەكەندىگىن رەسمي مالىمدەپ، جالعان اقپارات تاراتقاندار ق ر قىلمىستىق كودەكسىنىڭ 274-بابىنا سايكەس قىلمىستىق جاۋاپكەرشىلىككە تارتىلاتىن جەتكىزدى.
