قازاقستاندا كوروناۆيرۋس ينفەكسياسى تابىلعان جوق - ەلجان ءبىرتانوۆ

نۇر- سۇلتان. قازاقپارات – ق ر دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋسقا قاتىستى جالعان حابارلار جونىندە پىكىر ءبىلدىردى، دەپ حابارلايدى قازاقپارات.

«باتىس قازاقستان، شىعىس قازاقستان وبلىستارىندا، سەمەي مەن الماتىدا كوروناۆيرۋس تىركەلدى» دەگەن اقپاراتتار جالعان. ءبىز قىتايدان كەلگەن بارلىق جولاۋشىلاردى باقىلاۋدا ۇستاپ وتىرمىز. دەنە قىزۋى كوتەرىلگەندەر اۋرۋحانادا جاتىر. ازىرگە، باقىلاۋداعى بىردە- ءبىر پاتسيەنتتە كوروناۆيرۋس راستالعان جوق. اتالعان حابارلاردىڭ بارلىعى - فەيك» ، - دەدى ە. ءبىرتانوۆ ورتالىق كوممۋنيكاتسيالار قىزمەتىندە وتكەن بريفينگتە.

سونىمەن بىرگە، مينيستر الەمۋەتتىك جەلىدە جالعان حابارلاردىڭ كوپتەپ شىعىپ جاتقانىن اتاپ ءوتتى.

ايتا كەتەيىك، 6 - قاڭتاردان كەيىن قىتايدان كەلگەن 54 قازاقستاندىق جوعارى قىزۋمەن اۋرۋحاناعا ءتۇسىپ، 16 سى ەمدەلىپ شىقتى.

ازىرگە دۇنيە جۇزىندە كوروناۆيرۋس جۇقتىرعان 7711 ناۋقاس تىركەلدى، 170 ناۋقاس كوز جۇمدى. سونىمەن بىرگە، جالپى 17 مەملەكەتتە 90 ناۋقاس تىركەلدى.