بەردىبەك ساپاربايەۆ قىتايداعى ستۋدەنتتەردى ەلگە جەتكىزۋ ءتارتىبى قالاي بولاتىنىن ءتۇسىندىردى

نۇر- سۇلتان. قازاقپارات – ق ر پرەمەر- ءمينيسترىنىڭ ورىنباسارى بەردىبەك ساپاربايەۆ قىتايداعى ستۋدەنتتەردى قازاقستانعا جەتكىزۋ كەزىندە قاۋىپسىزدىك شارالارىنا باسا نازار اۋدارىلاتىنىن ايتتى، دەپ حابارلايدى قازاقپارات ءتىلشىسى.

«ەگەر ول ستۋدەنتتەردى (قىتايداعى) الىپ كەلەتىن بولساق، ءبىز ولار الدىمەن كارانتين شارالارىمەن قامتىلادى. ولارعا دايىنداپ قويعان اۋرۋحانامىز بار، ولاردى سوندا جەتكىزىپ، 14 كۇن بويى ءتيىستى شارالار اتقارىلادى. ياعني تەكسەرۋ جۇرگىزەمىز، زەرتحانالاردا قان سىنامالارى زەردەلەنەدى. زەرتحانادا بۇل ادامداردان دەنساۋلىعىنا ەشقانداي قاۋىپ جوق دەگەن قورىتىندى بەرىلگەننەن سوڭ، ولار اۋرۋحانادان شىعارىلادى» ، - دەدى ۇكىمەت باسشىسىنىڭ ورىنباسارى.

ونىڭ سوزىنە قاراعاندا، اتالعان ستۋدەنتتەر اۋەجايعا جەتكىزىلگەننەن كەيىن، قاۋىپسىزدىك شارالارىن ساقتاي وتىرىپ، ولاردى مەديتسينا قىزمەتكەرلەرى كۇتىپ الادى.

ايتا كەتەيىك، بەردىبەك ساپاربايەۆ قىتايداعى ستۋدەنتتەردى الىپ كەلۋگە ۇشاق دايىن ەكەنىن ءمالىم ەتتى.

بۇدان بۇرىن حابارلانعانداي ، ق ر ءبىلىم جانە عىلىم ۆيتسە- ءمينيسترى ميراس داۋلەنوۆ قىتايداعى جوعارى وقۋ ورىندارىندا وقىپ جۇرگەن قازاقستاننىڭ ستۋدەنتتەرىنە دەمالىس مەرزىمىن ۇزارتۋ شارالارى پىسىقتالىپ جاتقانىن ايتتى.