الماتىداعى ۇشاقتىڭ اپاتقا ۇشىراۋ سەبەبىنىڭ الدىن الا بولجامى جاريالاندى
نۇر- سۇلتان. قازاقپارات - ۇكىمەت باسشىسىنىڭ ورىنباسارى رومان سكليار BekAir اۋەكومپانياسى ۇشاعىنىڭ اپاتقا ۇشىراۋ سەبەپتەرىن انىقتاۋ بويىنشا ۇكىمەتتىك كوميسسيا جۇمىسىنىڭ الدىن الا بولجامىن جاريالادى، دەپ حابارلايدى قازاقپارات ءتىلشىسى.
«كوميسسيا اپاتتىڭ ءمان- جايىن تالداي كەلە 4 نۇسقانى انىقتادى: بىرىنشىدەن، اۋە كەمەسىنە كوممەرتسيالىق جۇكتىڭ تيەلۋىندەگى جانە ۇشاقتىڭ تەپە- تەڭدىگىن انىقتاۋداعى بۇزۋشىلىق، ەكىنشىدەن مەتەوجاعداي سەكىلدى سىرتقى ىقپال، ءۇشىنشى پيلوتتاۋداعى ەكيپاجدىڭ قاتەلىگى جانە ءتورتىنشىسى اۆياتسيالىق تەحنيكانىڭ بۇزىلۋى» ، - دەدى رومان سكليار و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، 2019 -جىلدىڭ 27 - جەلتوقسانىندا الماتىدان نۇر- سۇلتان قالاسىنا ۇشىپ شىققان بەكەير كومپانياسىنىڭ ۇشاعى راداردان جوعالىپ كەتتى. كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. قر پرەمەر- ءمينيسترى اسقار ءماميننىڭ توراعالىعىمەن ۇشاق اپاتىنىڭ سەبەپتەرىن تەرگەۋ بويىنشا ۇكىمەتتىك كوميسسيانىڭ وتىرىسى وتكىزىلگەن ەدى. وقيعانىڭ ءمان- جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا جىبەرىلدى.
