ۇلتتىق بانك «باسپانا» يپوتەكالىق ۇيىمىن قايتا قۇردى

«قايتا ۇيىمداستىرىلعان كومپانيا «باسپانا» يپوتەكالىق ۇيىمى» ا ق مەن «قازاقستاننىڭ ورنىقتىلىق قورى» ا ق قىزمەت باعىتتارىن ساقتايدى. اتاپ ايتقاندا، ولار - ەكىنشى دەڭگەيدەگى بانكتەردى قارجىلىق قولداۋ ارقىلى بانك سەكتورىنىڭ قارجىلىق تۇراقتىلىعىنا جاردەمدەسۋ؛ يپوتەكالىق تۇرعىن ءۇي قارىزدارىن (يپوتەكالىق قارىزداردى) قايتا قارجىلاندىرۋ جونىندەگى مەملەكەتتىك باعدارلامانى ىسكە اسىرۋ، سونداي-اق باعدارلاماعا سايكەس ەكىنشى دەڭگەيدەگى بانكتەر بەرگەن يپوتەكالىق تۇرعىن ءۇي قارىزدارى بويىنشا تالاپ ەتۋ قۇقىعىن ساتىپ الىپ، «7-20-25 ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ءۇي كرەديتتەۋ باعدارلاماسى مەن «باسپانا حيت» نارىقتىق يپوتەكالىق ءونىم وپەراتورىنىڭ فۋنكسيالارىن جۇزەگە اسىرۋ»، - دەپ حابارلادى ۇلتتىق بانك.

قايتا ۇيىمداستىرۋ بانك سەكتورىن دامىتۋ جانە حالىق ءۇشىن يپوتەكالىق قارىزداردىڭ قولجەتىمدىلىك دەڭگەيىن ارتتىرۋ ماقساتىندا «باسپانا» يپوتەكالىق ۇيىمى» ا ق مەن «قازاقستاننىڭ ورنىقتىلىق قورى» ا ق اكتيۆتەرىن ءتيىمدى پايدالانۋدى ارتتىرۋعا مۇمكىندىك بەرەدى.