قاسىم-جومارت توقايەۆ ۆلاديمير پۋتيندى ەلىمىزگە رەسمي ساپارمەن كەلۋگە شاقىردى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
مەملەكەتتەر باسشىلارى ەكى ەل اراسىنداعى جان-جاقتى ىنتىماقتاستىق پەن ستراتەگيالىق سەرىكتەستىكتىڭ قارقىندى دامىپ كەلە جاتقانىن ەرەكشە اتاپ ءوتتى. سونداي-اق قالىپتاسقان سەنىمدى بايلانىستار قازاقستان مەن رەسەيدىڭ ورتاق ىستە ودان ءارى جاقىنداي تۇسۋىنە ىقپال ەتەتىنى ءسوز بولدى.
قاسىم-جومارت توقايەۆ ۆلاديمير پۋتيندى كەلەسى جىلى ەلىمىزگە رەسمي ساپارمەن كەلۋگە شاقىردى.
مەملەكەتتەر باسشىلارى ەكىجاقتى جانە كوپجاقتى فورماتتاعى بىرلەسكەن جۇمىستاردى جالعاستىرا بەرۋگە ۋاعدالاستى. سونىمەن قاتار پرەزيدەنتتەر ءبىرىن-ءبىرى جاڭا جىلمەن قۇتتىقتادى.
