پرەمەر-مينيستر الداعى مەرەكە كۇندەرگە بايلانىستى ءبىرقاتار تاپسىرما بەردى

«الداعى مەرەكە كۇندەرى وڭىرلەردىڭ اكىمدەرى بارلىق قىزمەتتەردىڭ كەزەكشىلىك كەستەسىن قاتاڭ ساقتاۋى قاجەت. جىلۋمەن جانە ەلەكترمەن جابدىقتاۋ تۇراقتى بولۋى كەرەك. الدىن الا بولجام بويىنشا، قاڭتار ايىندا قاتتى ايازدار كۇتىلۋدە. سونىقتان بارلىق پارامەترلەر نورمالارعا سايكەس بولۋى ءتيىس. اكىمدەر جىلىتۋ ماۋسىمىن جەكە باقىلاۋدا ۇستاۋى كەرەك. ەنەرگەتيكا مينيسترلىگىنە جىلۋ ورتالىقتارىنداعى قازاندىقتار مەن جاعارماي ستانسيالارداعى وتىن قورىن باقىلاۋدى تاپسىرامىن»، - دەدى ۇكىمەت باسشىسى.

سونىمەن قاتار، پرەمەر- مينيستر ىشكى ىستەر مينيسترلىگىنە كۇشەيتىلگەن رەجىمدە جۇمىس ىستەپ، ازاماتتاردىڭ تىنىشتىعى مەن قاۋىپسىزدىگىن قامتاماسىز ەتۋدى تاپسىردى.

«جاڭاجىلدىق ءىس-شارالار وتكىزۋ ورىندارىنداعى ءورت قاۋىپسىزدىگى جانە قوعامدىق ءتارتىپ ماسەلەلەرىنە مونيتورينگ جۇرگىزۋ قاجەت. سونىمەن قاتار، اۆتوكولىكتەردىڭ جولداعى قاۋىپسىزدىگى بويىنشا الدىن الۋ شارالارىن ۋاقىتاندا قابىلداۋ قاجەتتىلىگىن تاعى دا ەسكەرتەمىن»، - دەدى ول.

وسى ورايدا اسقار مامين ىشكى ىستەر ءمينيسترى ەرلان تۇرعىمبايەۆقا بۇل ماسەلەلەردى باقىلاۋعا الۋدى تاپسىردى.

«جالپى باقىلاۋ رومان ۆاسيلەۆيچ سىزگە جۇكتەلەدى»، - دەدى ۇكىمەت باسشىسى ورىنباسارى رومان سكليارعا قاراتا.

اۆتور: مارلان جيەمباي