مەملەكەت باسشىسى: ەلوردا مادەني ءارى زياتكەرلىك ورتالىققا اينالدى

نۇر-سۇلتان. قازاقپارات - نۇر-سۇلتان قالاسىنىڭ اكىمدىگىندە مەملەكەت باسشىسى قاسىم-جومارت توقايەۆتىڭ توراعالىعىمەن ەلوردانى ودان ارى دامىتۋ ماسەلەلەرى جونىندەگى ءماجىلىس ءوتىپ جاتىر، دەپ حابارلايدى قازاقپارات ءتىلشىسى.

«باس قالا ەگەمەن ەلىمىزدىڭ نەگىزگى ءارى اسا ماڭىزدى جوباسى. بۇكىل الەمگە نازاربايەۆ مودەلى نەمەسە قازاقستان جولى دەپ مويىندالعان ستراتەگيا ءدال وسى شاھاردان باستالدى. ەلباسى نۇرسۇلتان نازاربايەۆتىڭ باستاماسىمەن سالىنعان استانا جىلدان جىلعا دامىپ كەلە جاتىر. بۇگىندە ەۋرازيانىڭ جۇرەگىندە ورنالاسقان ەلوردامىز ءىرى ساياسي-ەكونوميكالىق، مادەني جانە ءبىلىم ورتالىعى بولىپ قالىپتاستى»، - دەدى قازاقستان پرەزيدەنتى.

مەملەكەت باسشىسى نۇر-سۇلتان قالاسىن ارى قاراي دامىتىپ، جاڭا بەلەستەرگە شىعارۋ الداعى نەگىزگى مىندەتتەردىڭ ءبىرى ەكەندىگىن باسا ايتتى.

«وسى ماسەلەلەردى بۇگىن تالقىلايتىن بولامىز. الدىمەن باس قالامىزدىڭ ءبىرقاتار جەتىستىگىنە توقتالايىن. بىرىنشىدەن، ەلوردامىزدىڭ ەكونوميكاسى سوڭعى جىلداردا ويداعىداي دامىعانىن اتاپ وتكىۋ قاجەت. 21 جىل ىشىندە ىشكى وڭىرلىك ءونىم شامامەن 5,5 ەسەگە ءوستى. بۇعان قۇرىلىستى كۇشەيتۋ، بيزنەستى دامىتۋ جانە ينۆەستيا تارتۋدىڭ ارقاسىندا قول جەتكىزىلدى. قالا ەكونوميكاسىنا 9 تريلليون تەڭگەدەن استام ينۆەستيسيا قۇيىلىپ، 2018 -جىلى بيۋدجەتكە 1,1 تريلليون تەڭگە ءتۇستى. شاعىن جانە ورتا بيزنەس حالىقتىڭ ءال- اۋقاتىن ارتتىرۋعا مۇمكىندىك بەردى»، - دەدى ق. توقايەۆ.

ەكىنشىدەن، ق ر پرەزيدەنتى قالا ينفراقۇرىلىمى قارقىندى دامىپ كەلە جاتقانىنا توقتالدى.

«استانامىز ءومىر سۇرۋگە قولايلى ءبولۋىۇشىن جان-جاقتى ابباتتاندىرىلدى. تۇرعىن ءۇي جانە جول قۇرىلىسى، الەۋمەتتىك سالا ينفراقۇرىلىمى ايتارلىقتايدامىدى. نۇر-سۇلتان قالاسى مادەني ءارى زياتكەرلىك ورتالىققا اينالدى. ءبىز وسى دامۋ قارقىنىن باسەڭدەتپەۋىمىز جانە دە ارى قاراي كۇشەيتۋىمىز كەرەك»، - دەدى مەملەكەت باسشىسى.

ق. توقايەۆ، ۇشىنشىدەن، ەلوردامىزدا ماڭىزدى حالىقارالىق شارالار مەن كەزدەسۋلەر وتكىزىلىپ تۇراتىندىعىن ايتتى.

«بۇل ۇلكەن جەتىستىك. ە ق ى ۇ سامميتى، الەمدىك جانە ءداستۇرلى دىندەر ليدەرلەرىنىڭ سەزدەرى، حالىقارالىق ەكسپو كورمەسى، جىل سايىنعى استانا ەكونوميكالىق فورۋمى جانە جۋرىدا وتكەن جاھاندىق يننوۆاتسيالىق سامميت سونىڭ ايقىن دالەلى. نۇر-سۇلتان قالاسىن حالىقارالىق ورتالىق رەتىندە ارى قاراي دامىتا بەرەتىن بولامىز. كوپ جۇمىس اتقارىلدى، ءبىراق، مۇنىمەن شەكتەلىپ قالماۋىمىز كەرەك. ءبىز ءۇشىن ماڭىزدى ماقسات - ەلوردامىزدىڭ دامۋىن بارلىق باعىتتار بويىنشا جاڭا ساپالى دەڭگەيگە كوتەرۋ»، - دەدى ق ر پرەزيدەنتى.

اۆتور: مارلان جيەمباي