13:31, 18 - قىركۇيەك 2019 | GMT +6
الەمدىك دىندەر سەزىنىڭ ءانۇرانى جازىلۋى مۇمكىن
نۇر-سۇلتان. قازاقپارات - ەلوردادا ءوتىپ جاتقان الەمدىك جانە ءداستۇرلى دىندەر ليدەرلەرى سەزى XVIII حاتشىلىعىنىڭ وتىرىسىندا سەزدىڭ ءانۇرانى شىعارۋ تۋرالى ۇسىنىس بولدى، دەپ حابارلايدى قازاقپارات ءتىلشىسى.
«الەمدىك جانە ءداستۇرلى دىندەر ليدەرلەرى سەزىنىڭ ءانۇرانىن شىعارتۋ تۋرالى وتە قىزىقتى شىعارماشىلىق ۇسىنىستى جاريا ەتكىم كەلىپ وتىر. ۇسىنىس اچاريا ( «سومايا باحاراتيا سانكريتي پيتام» ءۇندى مادەني ورتالىعىنىڭ ديرەكتورى - كالا دحاناندجەي اچاريا) حانىم تاراپىنان ءتۇستى. ۇسىنىس وتە قىزىقتى. وسى ۇسىنىس قولداۋ تاۋىپ جاتسا، وندا ءبىز وسى باعىتتا جۇمىس ىستەر ەدىك»، - دەدى وتىرىس بارىسىندا ق ر اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ.
ايتا كەتەيىك، بۇگىنگى وتىرىستا الەمدىك جانە ءداستۇرلى دىندەر ليدەرلەرىنىڭ VI سەز قورىتىندىلارى مەن حاتشىلىق قىزمەتىنىڭ كەلەشەگى بويىنشا پىكىر الماسىلۋدا. سودان كەيىن 2021-جىلعى الەمدىك جانە ءداستۇرلى دىندەر ليدەرلەرىنىڭ VII سەزىن وتكىزۋ بويىنشا ۇسىنىستار تالقىلانىپ جاتىر.