جولداۋداعى باستامالار كوپبالالى وتباسىلار مەن جاستاردى باسپانامەن قامتۋعا مۇمكىندىك بەرەدى - بەيسەن تاجىبايەۆ
مەملەكەت باسشىسى وسى تۇستا جەتەكشى پارتيانىڭ ناعىز قوعامشىل، ناعىز حالىقشىل پارتياعا اينالۋى ءتيىس ەكەنىن اتاپ ءوتتى. بۇل باستامانى پارتيا مۇشەلەرى دە ءبىراۋىزدان قولداپ وتىر، دەپ حابارلايدى قازاقپارات ءتىلشىسى.
تۇركىستان وبلىستىق «Nur Otan» پارتياسى فيلالى ءتوراعاسىنىڭ ءبىرىنشى ورىنباسارى بەيسەن تاجىبايەۆتىڭ پىكىرىنشە، بۇگىنگى نۇروتاندىقتار وسى ءسوزدىڭ ءتۇپ- توركىنىن تەرەڭ ۇعىنىپ، قوعامداعى وزەكتى ماسەلەلەردى دەر كەزىندە شەشۋگە بارىنشا اتسالىسۋى ءتيىس.
«ول ءۇشىن بارلىق مۇمكىندىكتەردى ءتيىمدى پايدالانىپ، وزگە دە ساياسي پارتيالار مەن قوعامدىق قوزعالىستارمەن بىتە قايناسىپ، بىرلەسە ارەكەت ەتسە، ۇتىمدى بولارى انىق. حالىقتىڭ سەنىمىن اقتاۋدان باسقا ۇلى مۇرات جوق. ەل ءتۇرلى قيىندىقتار مەن كەدەرگىلەرگە ۇشىراعاندا «Nur Otanعا» ءۇمىت ارتىپ، كومەك سۇراپ كەلەدى. وتكەن 8 ايدىڭ وزىندە ءبىزدىڭ وبلىستىق قوعامدىق قابىلداۋعا 5204 ارىز-شاعىم تۇسكەن. مۇندا كوتەرىلگەن ماسەلەنىڭ باسىم بولىگى شەشىمىن تاۋىپ، ءتيىستى كومەكتەر كورسەتىلدى. دەگەنمەن قوردالانعان ماسەلەلەر جەتكىلىكتى. ونى ءبارىمىز كەلىسىم ستولىندا كەڭەسە وتىرىپ شەشكەنىمىز دۇرىس. حالىقپەن بايلانىس جاڭاشا فورماتتا جاندانۋى ءتيىس»، - دەيدى بەيسەن تاجىبايەۆ.
وبلىستىق «Nur Otan» پارتياسى فيليالى ءتوراعاسىنىڭ ءبىرىنشى ورىنباسارى سونداي-اق، پارتيا وكىلدەرىنىڭ سوڭعى جىلدارى ءتۇيىندى تۇيتكىلدى ماسەلەلەردى مىنبەلەردە ەمەس، كوشەلەردە تالقىلانىپ جۇرگەنىن ايتادى. ياعني ەلىمىزدە ازاماتتىق قوعاممەن ديالوگ ءالى دۇرىس ورنىعا العان جوق.
«بيلىك پەن حالىقتىڭ اراسىندا قوعامدىق ديالوگ دۇرىس ورنىقپاسا، ەلىمىزدەگى تاتۋلىق پەن تۇراقتىلىق تۋرالى ءسوز قوزعاۋ بەكەر بولادى. سوندىقتان ءاربىر مەملەكەتتىك قىزمەتكەر وسى بايلانىستىڭ دۇرىس ورنىعۋىنا وزىندىك ۇلەسىن قوسۋى ءتيىس. ءاربىر مەملەكەتشىل ازامات حالىقتىڭ مۇڭ- مۇقتاجىن تىڭداۋدان قاشپاۋ كەرەك. بيلىككە ءتۇيىندى تۇيتكىلدى دەر كەزىندە كورە بىلەتىن، ونىڭ شەشىلۋ جولىن تابا بىلەتىن ازاماتتار قاجەت. سوندا عانا كەز كەلگەن تۇيتكىلدىڭ ءتۇيىنىن تارقاتۋعا بولادى. وسى رەتتە قاسىم- جومارت كەمەل ۇلى «ەلباسىمىزدىڭ «ەل بىرلىگى - ەڭ باستى قاسيەت» دەگەن قاناتتى ءسوزى ءبىزدىڭ اينىماس قاعيدامىز. بەرەكە مەن بىرلىك، اقىل مەن پاراسات حالقىمىزدى ۇنەمى العا باستاپ كەلەدى. باعىتىمىز - ايقىن، جولىمىز - اشىق، بارلىعىمىز بىرگە بولساق ەلىمىز بۇدان دا زور تابىسقا جەتەدى دەپ سەنەمىن»، - دەدى.
جولداۋدا كوتەرىلگەن تاعى ءبىر ماڭىزدى ماسەلەنىڭ ءبىرى - باسپانا ماسەلەسى. «2020 -جىلدان باستاپ جىل سايىن 10 مىڭ وتباسى «باقىتتى وتباسى» باعدارلاماسى ارقىلى باسپانالى بولادى»، - دەدى پرەزيدەنت. بۇل ماسەلەگە وراي بەيسەن تاجىبايەۆ اتالعان باعدارلامانىڭ تيىمدىلىگى مول ەكەنىن العا تارتادى.
«ياعني، جەڭىلدىك مولشەرلەمەسى نەبارى 2 پايىزدى، العاشقى جارناسى 10 پايىزدى قۇرايدى. ەگەر ءبىز وسى باعدارلامانى تولىق ىسكە اسىرا الساق، قانشاما كوپبالالى وتباسى مەن مۇگەدەك بالا اسىرۋشى جانۇيالاردى، جاستاردى باسپانامەن قامتىعان بولار ەدىك. ەلدىڭ دامۋىن ءاربىر وتباسى سەزىنگەندە عانا بەرەكەلى قوعام ورنايدى. ال باسپانالى بولۋ سونىڭ باستى شارتى. بۇل باعىتتا سوڭعى جىلدارى ناتيجەلى جوبالار جۇزەگە اسۋدا. تۇركىستان قالاسىنىڭ وزىندە وتكەن اپتادا 700 دەي الەۋمەتتىك جاعىنان از قامتىلعان وتباسى باسپاناعا قول جەتكىزدى. بۇل جۇمىستار ەسەلەنەرى انىق»، - دەيدى فيليال ءتوراعاسىنىڭ ورىنباسارى.
اۆتور: اينۇر اقبايەۆا
