پرەزيدەنتتىك جاستار كادر رەزەرۆىنە ىرىكتەۋ باستالدى
قۇجاتتاردى قابىلداۋ ءۇشىن اۆتوماتتاندىرىلعان ونلاين-پلاتفورما ىسكە قوسىلدى.
ونلاين-پلاتفورمانى قولدانۋ جەڭىل ءارى وتە ىڭعايلى.
ۇمىتكەر سايتتىڭ باستى بەتىندە پرەزيدەنتتىك جاستار كادر رەزەرۆىنىڭ ىرىكتەۋىنە قاتىستى ماعلۇماتتى ينفوگرافيكا ارقىلى بىلە الادى. وندا ىرىكتەۋگە كىمدەر قاتىسا الاتىندىعى، ۋاقىتى مەن ىرىكتەۋ كەزەڭدەرى جازىلعان.
تىركەۋ ءتارتىبى بارىنشا جەڭىلدەتىلگەن.
ۇمىتكەرگە مىندەتتى تۇردە ءوزىنىڭ جەكە مالىمەتتەرىن، اتى-ءجونىن، تەگىن، ج س ن، ىرىكتەۋ كەزەڭدەرىنەن وتۋگە قولايلى ءتىلدى تاڭداپ ءوزىنىڭ ۇيالى تەلەفونى مەن ەلەكتروندى پوشتاسىن كورسەتۋ قاجەت.
سونىمەن قاتار اقپاراتتاردى وڭدەپ ساقتاۋ تۋرالى كەلىسىممەن تانىسىپ، ءتيىستى تالاپتاردى قابىلداۋى كەرەك.
تالاپتاردى قابىلدامايىنشا ۇمىتكەر پرەزيدەنتتىك جاستار كادر رەزەرۆىنە قاتىسا المايدى.
پرەزيدەنتتىك جاستار كادر رەزەرۆىنە قاتىسۋ ءۇشىن ۇمىتكەرلەرگە بار بولعانى PKRezerv.kz. سايتىنا تىركەلۋ قاجەت.
