اسقار مامين قاراعاندى وبلىسىندا جاڭا فەرروقورىتپا زاۋىتىنىڭ اشىلۋىنا قاتىستى

نۇر- سۇلتان. قازاقپارات - ق ر پرەمەر- ءمينيسترى اسقار مامين قاراعاندى وبلىسىنا جۇمىس ساپارى بارىسىندا فەرروقورىتپالار ءوندىرۋ زاۋىتىنىڭ اشىلۋ سالتاناتىنا قاتىسىپ، تاۋ- كەن بايىتۋ كەشەنىنىڭ ءبىرقاتار كاسىپورنىنا باردى. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.

ق ر ۇكىمەتىنىڭ باسشىسى جاڭا فەرروقورىتپا زاۋىتىنىڭ اشىلۋىمەن قۇتتىقتاپ، ءوڭىردىڭ ودان ءارى الەۋمەتتىك- ەكونوميكالىق دامۋى ءۇشىن جوعارى تەحنولوگيالىق كاسىپورىننىڭ ماڭىزدىلىعىن اتاپ ءوتتى. جوبانىڭ ەرەكشەلىگى - «يندۋستريا 4.0» باعدارلاماسى اياسىندا وندىرىستىك سيكلدىڭ جاڭا تەحنولوگيالىق ازىرلەمەلەرىن ەنگىزۋ.

كاسىپورىندا العاشقى كەزەڭدەردە جىلىنا تولىقتاي ەكسپورتقا باعدارلانعان 180 مىڭ توننا ءونىم شىعارۋ كوزدەلگەن.

«الداعى ۋاقىتتا جىل سايىن 240 مىڭ تونناعا دەيىنگى كولەمدە ءونىم شىعارۋ كوزدەلگەن»، - دەپ ا. مامين، «گاز تازارتۋ جۇيەلەرىنىڭ كەشەنى جانە كومىردىڭ ورنىنا ەلەكتر قۋاتىن پايدالانۋ اتموسفەراعا تاراتىلاتىن زياندى قالدىقتاردى تولىقتاي بەيتاراپتاندىراتىنىن، سايكەسىنشە، قورشاعان ورتاعا تەرىس اسەرى بارىنشا از بولاتىنىن» اتاپ ءوتتى.

جاڭا فەرروقورىتپا زاۋىتى مەتاللۋرگيا سالاسىنداعى باستى كاسىپورىنداردىڭ بىرىنە اينالادى جانە تەك ءوڭىردىڭ عانا ەمەس، سونداي- اق جالپى ەلىمىزدىڭ الەۋمەتتىك- ەكونوميكالىق دامۋىنا وڭ ۇلەسىن قوسادى.

فەرروسيليتسييدىڭ نەگىزگى كولەمى رەسەيگە، تۇركياعا، وڭتۇستىك كورەياعا، ا ق ش- قا جانە ەۋروپالىق وداق ەلدەرىنە جەتكىزىلەدى. سونىمەن قاتار، دايىن ءونىم ءوندىرۋ كەزىندەگى قازاقستاندىق قامتۋ ۇلەسى % 94- دان استامدى قۇرايدى.

زاۋىت قۇرىلىسى كەزەڭىندە مىڭ جارىمنان استام جاڭا جۇمىس ورنى قۇرىلدى. ونى پايدالانۋ كەزەڭىندە 350 تۇراقتى جۇمىس ورنى اشىلادى، ەكىنشى كەزەڭ ىسكە اسىرىلعان جاعدايدا ولاردىڭ سانى 550-گە دەيىن ارتادى.

ق ر پرەمەر- ءمينيسترى قاراعاندى وبلىسىنىڭ قازاقستاننىڭ وڭدەۋ، مەتاللۋرگيا، تاۋ- كەن ءوندىرۋ ونەركاسىبى، قارا جانە ءتۇستى مەتاللۋرگيا، ماشينا جاساۋ سالاسىن دامىتۋداعى ماڭىزدى ءرولىن اتاپ ءوتتى.

«قاراعاندى وبلىسىندا ونەركاسىپتى ءارتاراپتاندىرۋ، جۇيە قۇراۋشى كاسىپورىنداردى جاڭعىرتۋ، ينۆەستيتسيالار تارتۋ جۇمىستارى جالعاسىپ جاتىر»، - دەپ ا. مامين، بارلىق تارتىلعان ينۆەستيتسيالاردىڭ % 93 - جەكە، ولاردىڭ جارتىسى - شەتەلدىك ەكەنىن ايتتى. وبلىستا 1 تريلليوننان استام تەڭگەگە 35 جاڭا ءىرى ينۆەستيتسيالىق جوبا ىسكە اسىرىلىپ جاتىر، ولاردىڭ 17-سىنە شەتەلدىكتەر قاتىسۋدا. 2019 -جىلدىڭ ءبىرىنشى جارتى جىلدىعىندا ينۆەستيتسيالار ءوسىمى % 72 قۇرادى.

ق ر پرەمەر- ءمينيسترى قاراعاندى وبلىسىنا جۇمىس ساپارى بارىسىندا «الايعىر» كەن ورنىننىڭ قورعاسىن- كۇمىس كەنىن وڭدەيتىن جانە بايىتاتىن، كاتودتى مىس وندىرەتىن كاسىپورىندارىنا، سونداي- اق، «كوكتاسجال» كەن ورنى بازاسىنداعى تاۋ- كەن بايىتۋ كەشەنىنە باردى.

اسقار مامين «SES ساران» كۇن ەلەكتر ستانسياسىن تەكسەرىپ، قاراعاندى قالاسىنىڭ سولتۇستىك جانە شىعىس اينالما جولى رەكونسترۋكتسيالانعان اۆتوكولىك جولىمەن تانىستى. ۇزىندىعى 20 ك م- دان استام «قاراسور كولىنەن اينالا كوكپەكتى- قاراعايلى» اينالما تەمىر جول جەلىسى قۇرىلىسى جوباسىن قاراۋ بارىسىندا سۋ تاسقىنى سالدارىنان زيان كەلتىرىلگەن ت/ج جولدارىنىڭ بولىگىن قالپىنا كەلتىرۋ جۇمىستارىنىڭ بارىسى تۋرالى باياندالدى.