قىز-كەلىنشەكتەرگە قاتىستى ىرىم-تىيىمدار
دەسە دە ونىڭ بالە- جالادان ساقتايتىن قۇدىرەتى بارىن ەسكەرە جۇرسەڭىز، ەشكىم ەسكەرتپەي-اق ساقتايتىنىڭىزعا سەنەمىز.
ەندەشە، تومەندەگى اقپاراتقا نازار سالىڭىز.
- قىز وكپەلەگىش بولسا - ىرىسى كەم بولادى.
- جەڭىلتەك بولادى دەپ قىز بالانى قىرقىنان ەرتە شىعارمايدى.
- قىز بالانىڭ ءبىر تال تۇسكەن شاشىن كەز كەلگەن جەرگە تاستامايدى، قۇس ءىلىپ كەتسە، باس اۋرۋىنا شالدىعادى.
- قالى ۇلكەيىپ كەتپەسىن دەپ، قالىمەن تۋعان بالاعا «قالدىگۇل، قالدىباي» دەپ ات قويادى.
- ايەل يتكە تاس لاقتىرسا - ءۇيدىڭ ىرىسى كەتەدى، ايەلدىڭ باعى قايتادى.
- قازاق بالانى سانامايدى جانە سانىن ايتپايدى. - كەلىن بالا كوتەرمەسە، ناعاشى جۇرتىنىڭ ءبىر بالاسىن قوينىنا الىپ جاتادى.
- جۇكتى ايەل شاشىن كەسسە - ىشتەگى بالا كەمتار بولىپ تۋادى، باقىتى كەسىلەدى.
- انا بالانى دارەتسىز ەمىزبەيدى.
- قىز بالاعا شاشى ءوسسىن دەپ جەلكە جەگىزەدى.
- جاڭا تۇسكەن كەلىن كيىم- كەشەگىن قىسقارتسا - نارەستەسى كەم تۋادى نەمەسە تۇسىك تاستايدى.
- ايەل بوسانار كەزدە ۇيدەگى ساندىقتى بوساتىپ قويادى، سوندا ايەل تەز بوسانادى.
- ادامنىڭ كەلىنشەك وتىرعان جاقتاعى اياعى ۇيىپ قالسا، ول ەكىقابات ەكەن دەپ ىرىمدايدى.
- تۇسىك تاستاماسىن دەپ، جاس ايەلدىڭ كويلەگىنىڭ ەتەگىن ءبۇرىپ قويادى.
- ەكىقابات ايەلدىڭ كۇنى جاقىنداعان كەزدە «جەر- انا، كۇش-قۋات بەرە گور» دەپ جالاڭ اياق جۇرگىزەدى.
- جاس بوسانعان نەمەسە اياعى اۋىر ايەل تۇندە سۋعا بارمايدى.
- ەكىقابات ايەلگە پىشاق، ارا، قايشى ۇستاتپايدى. ۇستاسا - مەرزىمىنەن بۇرىن بوسانادى.
- بالا كىندىگىنە ورالىپ قالادى دەپ، ەكىقابات ايەلگە ينە-ءجىپ ۇستاتپايدى.
- بالا ورتان جىلىكتىڭ مايىن جەسە - اتا-اناعا مەيىرىمسىز بولادى.
- ەكىقابات ايەل قويان ەتىن جەسە نەمەسە قويان ەتىنە جەرىك بولسا - بالاسى قويانجىرىق بولادى.
- ەكىقابات ايەل ۇل تۋعىسى كەلسە - ەركەكتىڭ قارۋ- جاراعىن، قىز تۋعىسى كەلسە - جۇزىك، سىرعا، مونشاق، قىزىل ءتۇستى ماتا جاستانىپ جاتادى.
- تولعاعى قاتتى بولادى دەپ ەكىقابات كەلىنشەككە تولارساق جەگىزبەيدى.
- قوناق قىزدى ءۇي يەسى تورگە شىعارسا، سول ۇيگە قۇت كەلەدى دەپ ىرىمداعان.
- قىز بالا داۋىسىن قاتتى شىعارىپ كۇلمەيدى.
- قىز بالا تۇندە شاشىن جايمايدى.
- بالانىڭ اڭشىلىقتاعى العاشقى ولجاسىن نەسىبەسى كەتەدى، اڭشىلىقتا جولى بولمايدى دەپ ەشكىمگە بايلاتپايدى.
- ەگەر ايەل قىز تۋا بەرسە، بالانىڭ جولداسىن بوسانعان ايەلدىڭ باسىنان ءۇش رەت اينالدىرسا ۇل تۋادى دەپ ىرىمدايدى.
- جاس كەلىنشەك اياعى اۋىر كەزىندە تۇيە ەتىن جەمەيدى. سەبەبى، بالاسىن تۇيە سياقتى كوپ ۋاقىت كوتەرىپ، مەزگىلىندە تۋمايدى دەگەن ىرىم بار.
- ايەل ەكىقابات كەزىندە جەرىگى قانباسا، ودان تۋعان بالانىڭ اۋزىنان سۋ اعىپ جۇرەدى.
- ايەل بوسانىپ جاتقاندا جەڭىل بولسىن دەپ، قىزدىڭ كويلەگىنىڭ شەتىن جىرتىپ «جول اشۋ» ىرىمىن جاسايدى، نەمەسە ۇلدىڭ شالبارىنىڭ بالاعىن ءتىلىپ قويادى.
Massaget.kz
