ەلباسى اكادەميك سەرىك قيرابايەۆتى قابىلدادى
قازاقستاننىڭ تۇڭعىش پرەزيدەنتى مەن تانىمال ادەبيەتتانۋشى- عالىم ءتول ادەبيەتىمىزدىڭ قازىرگى جاعدايى مەن دامۋ پەرسپەكتيۆاسىن تالقىلادى. ءبىلىم جانە عىلىم سالاسىنىڭ وزەكتى ماسەلەلەرىنە باسا ءمان بەرىلدى.
اڭگىمەلەسۋ بارىسىندا سەرىك قيرابايەۆ نۇرسۇلتان نازاربايەۆقا ەل پرەزيدەنتى وكىلەتتىگىن توقتاتۋ تۋرالى شەشىمىنە قولداۋ ءبىلدىرىپ، ەلباسىنىڭ ءارى قاراي قىزمەتىنە تابىس تىلەدى.
سونداي-اق، قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ءۋاليحان قاليجاندى دا قابىلدادى.
كەزدەسۋ بارىسىندا ءۋاليحان قاليجان نۇرسۇلتان نازاربايەۆقا ينستيتۋتىنىڭ قازىرگى عىلىمي- زەرتتەۋ جۇمىستارى جونىندە مالىمدەدى.
ەلباسى اكادەميككە ءتول ادەبيەتىمىز بەن ونەرىمىزدى دامىتۋعا زور ەڭبەك سىڭىرگەنىن اتاپ ءوتىپ، قازاقستاننىڭ وركەندەتۋ جولىنداعى تابىستى جۇمىسىنا العىس ءبىلدىردى.