16:30, 09 - ءساۋىر 2019 | GMT +6
قاسىم- جومارت توقايەۆ سايلاۋعا تۇسە مە - پرەزيدەنتتىڭ باسپا ءسوز حاتشىسىنىڭ جاۋابى
نۇر- سۇلتان. قازاقپارات - مەملەكەت باسشىسىنىڭ باسپا ءسوز حاتشىسى بەرىك قۇرمانعالي ق ر پرەزيدەنتى قاسىم- جومارت توقايەۆتىڭ الداعى كەزەكتەن تىس پرەزيدەنت سايلاۋىنا تۇسۋىنە قاتىستى پىكىر ءبىلدىردى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا سايكەس، پرەزيدەنتتىككە ۇمىتكەرلەردى ۇسىنۋ قۇقىعى رەسپۋبليكالىق قوعامدىق بىرلەستىكتەرگە، سونىڭ ىشىندە ساياسي پارتيالارعا تيەسىلى. وسىعان بايلانىستى، پرەزيدەنت سايلاۋىنا كانديدات رەتىندە قاتىسۋ تۋرالى شەشىمدى رەسپۋبليكالىق قوعامدىق بىرلەستىك (ساياسي پارتيا) جوعارى ورگانى (سەزد) قابىلدايدى» ، - دەدى بەرىك قۇرمانعالي قازاقپارات تىلشىسىنە.
بۇدان بۇرىن مەملەكەت باسشىسى قاسىم- جومارت توقايەۆ قازاقستان حالقىنا ۇندەۋ جولداپ، كەزەكتەن تىس قازاقستان پرەزيدەنتى سايلاۋى 2019 -جىلدىڭ 9 - ماۋسىمىندا وتەتىنىن جاريالاعان ەدى.
