07:07, 29 - ناۋرىز 2019 | GMT +5
قازاقستان پرەزيدەنتى جامبىل وبلىسىنىڭ اكىمىن قابىلدادى
نۇر-سۇلتان. قازاقپارات - قازاقستان پرەزيدەنتى جامبىل وبلىسىنىڭ اكىمى اسقار مىرزاحمەتوۆتى قابىلدادى، دەپ حابارلادى اقوردانىڭ باسپا ءسوز قىزمەتىنەن.
مەملەكەت باسشىسىنا ءوڭىردىڭ الەۋمەتتىك-ەكونوميكالىق دامۋى جانە قازاقستان حالقىنا ارنالعان قازىرگى جولداۋداعى، سونداي-اق «نۇر وتان» پارتياسىنىڭ XVIII سەزى اياسىنداعى ەلباسى تاپسىرمالارىنىڭ ورىندالۋ ناتيجەلەرى تۋرالى ەسەپ بەرىلدى.
قازاقستان پرەزيدەنتى مەملەكەتتىك باعدارلامالاردى ۋاقتىلى جانە ءتيىمدى جۇزەگە اسىرۋدىڭ، سونداي-اق حالىققا الەۋمەتتىك تۇرعىدان قولداۋ كورسەتۋ جونىندەگى شارالاردى اتقارۋدىڭ ماڭىزدىلىعىن ايتتى.
كەزدەسۋ قورىتىندىسى بويىنشا قاسىم-جومارت توقايەۆ ءبىرقاتار ناقتى تاپسىرما بەردى.