قىتايعا تاسىمالداناتىن گازدىڭ كولەمى ەكى ەسە ارتادى - ەكونوميكا مينيسترلىگى

None
None
نۇر-سۇلتان. قازاقپارات - قازاقستان قىتايعا تاسىمالداناتىن گازدىڭ كولەمىن ەكى ەسەگە ارتتىرۋعا كەلىستى، دەپ حابارلايدى قازاقپارات ءتىلشىسى.

ق ر ەنەرگەتيكا ۆيتسە-ءمينيسترى ماعزۇم مىرزاعاليەۆتىڭ ايتۋىنشا، «بەينەۋ-شىمكەنت» گاز قۇبىرى وتاندىق كوگىلدىر وتىندى قىتايعا كوپتەپ تاسىمالداۋعا مۇمكىندىك بەرىپ وتىر. اتالعان قۇبىرمەن كەلەتىن شيكىزات «تۇركىمەنستان-وزبەكستان-قازاقستان- قىتاي» ترانزيتتىك گاز قۇبىرىنا قۇيىلادى. وسىلايشا، باتىس قازاقستانداعى كەن ورىندارىنان شىعاتىن تابيعي گاز قىتايعا تاسىمالدانىپ وتىرادى.

«بۇگىندە قىتايدىڭ نارىعى جىل سايىن 12,5 پروتسەنتكە ءوسىپ تۇرادى. بۇل - وتە ۇلكەن ءوسىم. دەمەك، الداعى ۋاقىتتا تۇتىنۋدىڭ كولەمى ارتا تۇسەدى. ماسەلەن، 2017-2018-جىلدارى ءبىز جىلىنا 5 ميلليون تەكشە مەتردەن استام گازدى قىتايعا تاسىمالدادىق. وتكەن جىلى اتالعان كورسەتكىشتى جىلىنا 10 ميلليون تەكشە مەترگە دەيىن جەتكىزۋگە كەلىستىك»، - م. مىرزاعاليەۆ ق ر ماجىلىسىندە وتكەن «دوڭگەلەك ۇستەلدە».

ايتا كەتەيىك، بۇگىنگى جيىندا ۆيتسە-مينيستر «سارىارقا» گاز قۇبىرىنىڭ قۇرىلىسى تۋرالى ايتىپ بەردى.

«سارىارقا» گاز قۇبىرى الدىمەن قىزىلوردا، جەزقازعان، قاراعاندى، تەمىرتاۋ مەن نۇر-سۇلتان مارشرۋتىمەن سالىنادى. بۇل - قۇرىلىستىڭ العاشقى كەزەڭى. وسىنىڭ ارقاسىندا قۇبىرعا جاقىن ورنالاسقان 740 مىڭ ادامدى تابيعي گازبەن قامتاسىز ەتۋگە مۇمكىندىك بار. ارينە، ينفراقۇرىلىمنىڭ سالىنۋىنا قاراي گاز تۇتىناتىن ادامداردىڭ سانى ارتادى.

وتكەن جىلى تامىز ايىندا ۇكىمەت جوبانىڭ سىزبا-نۇسقاسى مەن قارجىلاندىرۋ شارتتارىن ماقۇلدادى. جوبانىڭ قۇنى - 267,3 ميلليارد تەڭگە. قاراشا ايىندا «استانا گاز» ا ق مەن مەردىگەر كومپانيا - «قاز قۇرىلىس قىزمەت» ا ق اراسىندا ءتيىستى كەلىسىمشارتقا قول قويىلدى. قازىرگى كەزدە بارلىق قاجەتتى تەحنيكا مەن ماماندار تارتىلدى. دانەكەرلەۋ جۇمىستارى باستالدى. «سارىارقا» گاز قۇبىرىنىڭ، شامامەن، 1300 مەترى سالىندى»، - دەيدى م. مىرزاعاليەۆ.

سوڭعى جاڭالىقتار