ەلوردا اتاۋى وزگەرگەن سوڭ ەسكى قۇجاتتارعا بيۋروكراتيالىق كەدەرگى بولماسىن - توقايەۆ

None
None
نۇر-سۇلتان. قازاقپارات - مەملەكەت باسشىسى ءوڭىر اكىمدەرىنىڭ قاتىسۋىمەن وتكەن كەڭەستە ۇكىمەت مۇشەلەرىنىڭ باياندامالارىن تالقىلاۋ بارىسىندا ەل استاناسى مەن قالا كوشەلەرىن قايتا اتاۋدى ەلباسىنىڭ تاۋەلسىز قازاقستاننىڭ نەگىزىن قالاۋشى رەتىندەگى ەڭبەگىن ايشىقتايتىن تاريحي وقيعا دەپ باعالادى.

بۇل تۋرالى اقوردانىڭ باسپا ءسوز قىزمەتى حابارلايدى.

وسىعان بايلانىستى، پرەزيدەنت ەلوردا اكىمىنە بارلىق مۇددەلى قىزمەتتەر مەن ۆەدومستۆولاردىڭ استانانى قايتا اتاۋىنا بايلانىستى جۇمىسىن رەتتەۋدى تاپسىردى.

ودان بولەك، ۇكىمەتكە ەلەكتروندىق جانە تۋريستىك ۆيزالارعا قاتىستى نورماتيۆتىك-قۇقىقتىق اكتىلەرگە قاجەتتى تۇزەتۋلەر ەنگىزۋ تاپسىرىلدى.

سونىمەن بىرگە، پرەزيدەنت اتاپ وتكەندەي، ىشكى ىستەر، سىرتقى ىستەر مينيسترلىكتەرى مەن ۇ ق ك شەكارا قىزمەتى ەلوردا اتاۋىنىڭ وزگەرۋىنە بايلانىستى بۇرىنعى قۇجاتتاردىڭ مەرزىمى اياقتالعانشا ەش بيۋروكراتيالىق كەدەرگى كەلتىرمەۋلەرى ءتيىس.

سوڭعى جاڭالىقتار