روس كوسموس باسشىسى بايقوڭىردىڭ بولاشاعى تۋرالى ايتتى

بايقوڭىر. قازاقپارات - بايقوڭىر قالاسىنىڭ اكىمشىلىگىندە «روس كوسموس» مەملەكەتتىك كورپوراتسياسىنىڭ باس ديرەكتورى دميتريي روگوزين اكىمشىلىك باسشىلارى جانە قىزمەتكەرلەرمەن، قالاداعى كاسىپورىندار جانە مەكەمە باسشىلارىمەن كەزدەستى، دەپ حابارلايدى قازاقپارات ءتىلشىسى.

دميتريي روگوزين رەسەي فەدەراتسياسى پرەزيدەنتىنىڭ گراموتاسىن اكىمشىلىك باسشىسىنىڭ ورىنباسارى نيكولاي اداسيەۆكە تابىستاپ، بايقوڭىرلىقتارعا روس كوسموستىڭ پەرسپەكتيالىق عارىش جوبالارى تۋرالى ايتتى، دەپ حابارلادى قالا اكىمشىلىگىنىڭ باسپا ءسوز قىزمەتى.

«پەتروپاۆلداعى سامميتتەن كەيىن «بايتەرەك» جوباسىن جۇزەگە اسىرۋعا كىرىسىپ جاتىرمىز. قازاقستان پرەزيدەنتىنىڭ ۇكىمەتتى وتستاۆكاعا جىبەرۋ تۋرالى مالىمدەمەسىنەن كەيىن قازاقستاندىق تاراپ ۇكىمەتتى قايتا قۇرىپ جاتىر. ونى بەكىتكەننەن كەيىن ءبىز جاڭا باسشىلار قۇرامىمەن تىعىز جۇمىس ىستەيمىز»، - دەدى د. روگوزين.

«روس كوسموسقا توقتالار بولساق، «ەرتىس» زىمىرانى (بۇرىنعى «سويۋز-5» ) قازاقستانعا دا، رەسەيگە دە قاتىستى بولعاندىقتان، وسىنداي اتاۋعا يە بولدى. 2022 -جىلى سىناق جۇرگىزۋدى باستايمىز. سايكەسىنشە، جاڭا پيلوتتىق كەمە قۇرىلىپ جاتىر»، - دەدى روسكوسموس باسشىسى.

بايقوڭىردىڭ كەلەشەگى تۋرا ءسوز قوزعاعان روس كوسموس باسشىسى:

«پيلوتتىق باعدارلامالار بايقوڭىردا جۇزەگە اسادى. «سويۋز» بەن «ەرتىس» جاڭا زىمىرانى بايقوڭىردان ۇشىرىلادى. سوندىقتان، «بايقوڭىردىڭ» بولاشاعى زور جانە ول ودان ءارى قاراي دامي تۇسەدى. وتكەن جىلدىڭ 11- قازانىندا جەرگە اپاتتى جاعدايدا ورالعان ەكيپاج 14 - ناۋرىز كۇنى قايتا ۇشادى. بۇل - الەكسەي وۆچينين مەن نيك حەيگ. ولارمەن بىرگە امەريكالىق كۋك حانىم ۇشادى»، - دەپ تۇيىندەدى روس كوسموس باسشىسى.

اۆتور: سارا قابي قىزى