بۇرىنعى مينيستر قايرات ءابدىراحمانوۆ ديپلوماتيالىق قىزمەتتە قالادى
بۇل تۋرالى بۇگىن پارلامەنت سەناتىندا تىلشىلەرگە سىرتقى ىستەر ءمينيسترى بەيبىت اتامقۇلوۆ ايتتى، دەپ حابارلايدى قازاقپارات.
«قايرات قۇدايبەرگەن ۇلى ءارى قاراي ديپلوماتيالىق جۇمىستى جالعاستىرۋ شەشىمىن جاسادى. جاقىن ارادا ونىڭ مەملەكەتتەردىڭ بىرىنە تاعايىندالۋىن (ەلشى قىزمەتىنە) كۇتىپ وتىرمىز»، - دەدى ب. اتامقۇلوۆ.
ايتا كەتەيىك، مەملەكەت باسشىسىنىڭ جارلىعىمەن قايرات قۇدايبەرگەن ۇلى ءابدىراحمانوۆ باسقا جۇمىسقا اۋىسۋىنا بايلانىستى ق ر سىرتقى ىستەر ءمينيسترى قىزمەتىنەن بوساتىلعان ەدى.
سونىمەن قاتار، 2018-جىلعى جەلتوقساننىڭ سوڭىندا قازاقستاننىڭ جاڭا سىرتقى ىستەر ءمينيسترى قىزمەتىنە بەيبىت اتامقۇلوۆ تاعايىندالدى.
كوپ ۇزاماي مەملەكەت باسشىسى نۇرسۇلتان نازاربايەۆ ب ا ق وكىلدەرىمەن كەزدەسۋ بارىسىندا بەيبىت اتامقۇلوۆتىڭ جاڭا قىزمەتكە تاعايىندالۋىنىڭ سەبەبىن ءتۇسىندىردى.
