پرەزيدەنت: ا ق ش پەن جاپونياعا تىكەلەي اۋە رەيستەرى بيىل اشىلۋى ءتيىس
مۇنداي مىندەتتى بۇگىن ەلباسى نۇرسۇلتان نازاربايەۆ ۇكىمەتتىڭ كەڭەيتىلگەن وتىرىسىندا يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەككە بەردى، دەپ حابارلايدى قازاقپارات ءتىلشىسى.
«اۆياتورلارعا، ەڭ الدىمەن «ەير استانا» كومپانياسىنا ءبىزدىڭ نەگىزگى ينۆەستورلارىمىزعا قاراي اۋە بايلانىسىن ىسكە قوسۋ مىندەتىن جۇكتەۋ قاجەت. قازىر ەۋروپاعا ۇشامىز. ەندى قۇراما شتاتتارعا، جاپونياعا ۇشۋىمىز قاجەت. ول ءۇشىن نە ىستەۋ كەرەكتىگىن قاراڭىز، قولداۋ كورسەتىڭىز»، - دەدى نۇرسۇلتان نازاربايەۆ مينيستر قاسىمبەككە قاراتا ايتقان سوزىندە.
مەملەكەت باسشىسى باستاپقى ۋاقىتتا بۇل باعىتتاعى اۋە رەيستەرىنەن پايدا تۇسپەۋى مۇمكىن ەكەندىگىن دە ەسكەرتتى.
«ۇشاق ساتىپ الۋعا، نەمەسە قولدانىستاعى ۇشاقتاردى پايدالانۋ ماسەلەسىنە كومەك بەرۋ كەرەك. بۇل ماسەلە بيىل شەشىلۋى ءتيىس»، - دەدى نۇرسۇلتان نازاربايەۆ.
