قازاقستاندا كولىكتى تىركەۋگە ەكى ساعات ۋاقىت جەتكىلىكتى

«ۇكىمەت جانىنداعى ۆەدومستۆاارالىق كوميسسيانىڭ بارلىق ۇسىنىستارىن جۇزەگە اسىرۋ ءۇشىن 486 جول كارتاسى بەكىتىلدى. ال 2018 -جىلدىڭ قورىتىندىسى بويىنشا 76 قىزمەت وڭتايلاندى. بىرىنشىدەن، جۇرگىزۋشى كۋالىگىن الۋ مەن كولىك قۇرالىن تىركەۋ ەلەكتروندى ارىز ارقىلى قابىلدانادى. قازىرگى ۋاقىتقا دەيىن بۇل قىزمەت ءتۇرى 23 مىڭ رەت پايدالانىلعان. بۇدان بۇرىن ءبىر كولىكتى تىركەۋ 6 ساعاتقا سوزىلسا، قازىر 2 اق ساعات ۋاقىت جۇمسالادى» ، - دەدى د. ابايەۆ.

 ونىڭ ايتۋىنشا، كولىكتى تىركەۋدى ەلەكتروندى فورماتقا اۋىستىرۋدىڭ ارتىقشىلىقتارىن ازاماتتار سەزىنىپ ۇلگەردى. ويتكەنى اۆتوماشينانى ساتۋ نەمەسە ساتىپ الۋ بارىسىندا 20 مينۋت جەتكىلىكتى. قاعاز جۇزىندەگى قۇجاتتار قاجەت ەمەس. بۇدان بۇرىن ەل تۇرعىندارى كولىك قۇرالىن تىركەۋ تۋرالى اكتى، جەكە كۋالىك، سالىق تولەگەنى تۋرالى قۇجات پەن كولىكتىڭ مەملەكەتتىك تىركەۋدەن وتكەن ءنومىرىن كورسەتۋلەرى ءتيىس ەدى.

«قازپوشتا» ارقىلى دايىن قۇجات پەن كولىك ءنومىرىن جەتكىزىپ بەرۋ مۇمكىندىگى بار. سونداي- اق، ازاماتتار وزدەرىنە ۇناعان كەز- كەلگەن مەملەكەتتىك كولىك ءنومىرىن يەمدەنۋگە مۇمكىندىك الدى. ەكىنشىدەن، اكىمشىلىك ايىپپۇلداردىڭ بار- جوعىن دەرەۋ تەكسەرىپ الۋعا بولادى» ، - دەدى ول.

ۇشىنشىدەن، ءمينيستردىڭ سوزىنە قاراعاندا، پرواكتيۆتى ءتارتىپ بويىنشا كورسەتىلەتىن مەملەكەتتىك قىزمەتتەردى جالعاستىرۋ جوسپارلانىپ وتىر. ولار مۇگەدەكتىك تۋرالى، مۇگەدەكتىكتى انىقتاۋ، جاردەماقى تاعايىنداۋ، اقشالاي تولەمدەر، الەۋمەتتىك تولەمدەر، پروتەز- ورتوپەديالىق كومەك جانە تاعى باسقالارىنا بايلانىستى قىزمەتتەردەن تۇرادى.

«وسىلايشا اتالعان الەۋمەتتىك كومەكتەردى مۇمكىندىگى شەكتەۋلى جاندار حالىققا قىزمەت كورسەتۋ ورتالىقتارىنا كەلمەي- اق، كەشەندى تۇردە قابىلداۋعا مۇمكىندىك الادى» ، - دەدى مينيستر.