باقىت سۇلتانوۆ: ءبىزدىڭ ماقسات - استانانى جاھاندىق قالاعا اينالدىرۋ
استانا اكىمى باقىت سۇلتانوۆ ءماسليحات دەپۋتاتتارىمەن كەزدەستى، دەپ حابارلايدى استانا قالاسى اكىمدىگىنىڭ رەسمي سايتى.
كەزدەسۋدە ءوتىپ بارا جاتقان جىل قورىتىندىلانىپ، كەلەر جىلعا جوسپارلار قۇرىلدى.
«وسى جىلى قالادا اۋقىمدى جۇمىستار اتقارىلدى. استانا ءۇشىن وسى جىل بار جاعىنان جاقسى جىل بولدى. ونىڭ دالەلى جەتكىلىكتى. بۇل رەتتە تەك 2018 -جىلدى جوعارى ەكونوميكالىق كورسەتكىشتەرمەن اياقتاپ وتىرعانىمىزدى ايتساق تا جەتەرلىك. جالپى وڭىرلىك ءونىم كولەمى بولجامدىق باعالاۋ بويىنشا 6 تريلليون تەڭگەنى قۇرايدى. قالانىڭ ونەركاسىپتىك كاسىپورىندارى مەن قىزمەت كورسەتۋ سالاسى 544 ميلليارد تەڭگەدەن استام سوماعا ءونىم ءوندىردى جانە وسىلايشا وتكەن جىلمەن سالىستىرعاندا وڭ ىعىسۋ پليۋس %9,6 بەلگىسىندە تىركەلگەن» ، دەدى قالا اكىمى.
باقىت سۇلتانوۆ: ءبىزدىڭ ماقسات - استانانى جاھاندىق قالاعا اينالدىرۋونىڭ سوزىنشە، 2017 -جىلمەن سالىستىرعاندا وڭدەۋشى ونەركاسىپتەگى ءوندىرىس كولەمى %12,6 عا ۇلعايدى. وسى جىلى جۇك تاسىمالداۋ كولەمى جالپى العاندا % 9 عا ءوستى. بولشەك ساۋدادا تاۋار اينالىمىنىڭ كولەمى 1 تريلليون تەڭگەدەن اسىپ 2017 -جىلمەن سالىستىرعاندا %6 عا ءوستى. مەملەكەتتىك بيۋدجەتكە سالىقتىق تۇسىمدەر 981,9 ميلليارد تەڭگە كولەمىندە جينالعان، ول 2017 -جىلعى كورسەتكىشپەن سالىستىرعاندا %13,9 عا جوعارى.
باقىت سۇلتانوۆتىڭ ايتۋىنشا، بۇل كورسەتكىشتەر شاعىن جانە ورتا بيزنەستىڭ ەسەبىنەن قالىپتاسقان، جالپى وڭىرلىك ءونىم قۇرىلىمىندا ونىڭ ۇلەسى %55 دى قۇرادى.
«الدا جۇمىس كوپ. وسى ءۇش ايدا قالالىقتارمەن جانە ۇ ە ۇ سەكتورى وكىلدەرىمەن دە كەزدەستىم. الەۋمەتتىك ورتالىقتارعا ءجيى بارۋعا تىرىسۋدامىن. كەشە بالالار مەن قارتتار ۇيىنە باردىم. مەن ءوزىمدى شاشىمنان باشپايىما دەيىن استانىلىقپىن، قالانى جاقسى بىلەم دەگەن ەدىم. ءبىراق، قالا اكىمى رەتىندە قىزمەتىم باستالعان ءۇش ايدا بۇرىن كورگەنىمنىڭ %10 دا كورمەگەنىمدى ءتۇسىندىم. ءبىزدىڭ ماقسات استانانى جاھاندىق قالاعا اينالدىرۋ، ول كرەاتيۆتى ادامداردى، تالانتتى جاستاردى، سونداي- اق تۋريستەر مەن شەتەلدىك ينۆەستورلاردى تارتاتىن نەگىزگى ورتالىققا اينالادى. ول ءۇشىن قالا قۇرىلىسىندا زاماناۋي ۋربانيستىك شەشىمدەر، جاڭا تاسىلدەردى پايدالانۋ قاجەت. ءبىر سوزبەن ايتقاندا بىزگە قالا تۇرعىندارى مەن قوناقتارىنا ىڭعايلى ورتا جانە مۇمكىندىگى شەكتەۋلى جاندارعا كەدەرگىسىز جايلى جاعداي جاساۋ كەرەك» ، دەدى اكىم.
اكىم دەپۋتاتتارعا ناتيجەلى جانە بىرلەسكەن جۇمىستارى ءۇشىن العىس ايتىپ، ولاردى كەلە جاتقان جاڭا جىل مەرەكەسىمەن قۇتتىقتادى.