زىريان اۋدانى مەن قالاسى تۇبەگەيلى التاي دەپ اتالاتىن بولدى
وسكەمەن. قازاقپارات - زىريان اۋدانى مەن قالاسى تۇبەگەيلى التاي دەپ اتالاتىن بولدى. بۇل تۋرالى شىعىس قازاقستان وبلىسىنىڭ اكىمى دانيال احمەتوۆ وڭىرلىك «التاي» تەلەارناسىندا وتكەن تىكەلەي ەفير بارىسىندا مالىمدەدى، دەپ حابارلايدى قازاقپارات ءتىلشىسى.
وڭىرلىك «التاي» ارناسىنداعى جىل جەتىستىكتەرىن قورىتىندىلاعان تىكەلەي ەفيردە دانيال احمەتوۆ بۇدان بىلاي زىريان اۋدانى مەن قالاسىن التاي دەپ اتاي بەرۋگە بولاتىنىن اتادى.
«زىريان اۋدانىندا تۇرعىسىن سۋ ەلەكتر ستانساسى سالىنىپ جاتىر. ەندى بۇل اۋداندى التاي دەي بەرسەك تە بولادى» - دەدى وبلىس اكىمى.
ونىڭ ايتۋىنشا، اۋدان مەن قالانىڭ اتىن اۋىستىرۋ تۋرالى ۇكىمەتتىڭ ءتيىستى قاۋلىسى دا شىققان.
«ءبىر كۇن بۇرىن عانا زىريان اۋدانى مەن قالاسىن التاي دەپ اتاۋعا نەگىز بولاتىن ۇكىمەت قاۋلىسىنا قول قويىلدى. وبلىستا 8000-عا جۋىق كوشە بار. بيىل سونىڭ 314- ءىن جاڭالادىق» - دەدى دانيال احمەتوۆ.
وسىدان ءۇش اي بۇرىن بۇل ماسەلە قوعامدىق تىڭداۋدا تالقىلانىپ، اۋداندىق ءماسليحات دەپۋتاتتارى مەن جەرگىلىكتى قوعامدىق ۇيىم مۇشەلەرىنىڭ قولداۋىمەن رەسپۋبليكالىق ونوماستيكالىق كوميسسيا قاراۋىنا جىبەرىلگەن بولاتىن.
اۆتور: ەسىمجان ناقتىباي