ايازعا بايلانىستى ج ە و- لار ماكسيمالدى قارقىنمەن جۇمىس ىستەۋدە - قانات بوزىمبايەۆ

ق ر ەنەرگەتيكا ءمينيسترى قانات بوزىمبايەۆتىڭ ايتۋىنشا، قاتتى ايازدارعا بايلانىستى جىلۋ ستانسالارى ماكسيمالدى قارقىنمەن جۇمىس ىستەپ جاتىر. ونداي جاعداي سوڭعى جىلدارى بولماعان. «كەشە، 24- جەلتوقساندا ەڭ جوعارى ەلەكتر جۇكتەمە 14740 مەگاۆاتقا نەمەسە جىلىتۋ كەزەڭىنىڭ ماكسيمۋمى - 99 پروتسەنتكە جەتتى. بۇل - سوڭعى جىلداردىڭ رەكوردى. وسى جاعداي ونەركاسىپتىك تۇتىنۋدىڭ وڭ ديناميكاسىن جانە دالاداعى ايازدى كورسەتىپ وتىر»، - دەدى ق. بوزىمبايەۆ.

ونىڭ ايتۋىنشا، ەلەكتر ستانسالارىندا 4 ميلليون توننا كومىر جانە 112 مىڭ توننا مازۋت بار. وتىن قورى بەكىتىلگەن نورماعا سايكەس كەلەدى.

«جالپى، بيىلعى جىلىتۋ كەزەڭى باستالعالى بەرى سىرتقى اۋا رايى تەمپەراتۋراسى تومەندەگەندە جىلۋ جەلىلەرىنىڭ جۇمىسىندا تەمپەراتۋرالىق گرافيكتى ساقتاماۋدىڭ 23 فاكتىسى بايقالدى. بۇل وتكەن جىلمەن سالىستىرعاندا 40 پروتسەنتكە از. ءبىراق كوبىسى «ارسەلور ميتتال تەمىرتاۋ» مەكەمەسىنىڭ 2- جىلۋ ورتالىعىندا - 7 رەت، سونداي-اق، وسكەمەن جىلۋ ەلەكتر ورتالىعىندا 4 رەت ورىن الدى»، - دەپ اتاپ كورسەتتى ق. بوزىمبايەۆ.