جاس عالىمدار باقىتجان ساعىنتايەۆقا عىلىمداعى پروبلەمالار تۋرالى ايتتى

كەزدەسۋ بارىسىندا قارجىلاندىرۋدىڭ جەتكىلىكسىزدىگى ايتىلدى. جاس عالىمداردىڭ پايىمىنشا، دوكتورانتتاردىڭ 80 مىڭ تەڭگەنى قۇرايتىن شاكىراقىسى تىم از، تەحنيكالىق جاراقتاندىرۋ ماسەلەسى دە وزەكتى بولىپ وتىر. عالىمدار عىلىمي ماقالالارىن ەڭ بەدەلدى باسىلىمداردا جاريالاۋمەن قاتار، ولاردىڭ عىلىمي اعىلشىن ءتىلىن ۇيرەنۋگە ىنتالاندىرۋ قاجەتتىلىگى ايتىلدى. بارلىق سويلەۋشىلەردى مۇقيات تىڭداعان ۇكىمەت باسشىسى كەزدەسۋدى قورىتىندىلادى.

«سىزدەر اناۋ جوق، مىناۋ جوق دەيسىزدەر، ال عىلىمنىڭ ءوزى قايدا؟ مەن سودان قورىتىندى شىعارامىن. دورەكىلەۋ ايتار بولسام: «مەنەن نە قالايسىزدار؟ قايداعى عىلىم، ەگەر مەندە مۇنىڭ بارلىعى دا بولماسا؟» دەيتىن سياقتىسىزدار. سوندىقتان مۇنى ەكى ءبولىپ قاراۋ كەرەك. ءبىرىنشى عىلىمدى دامىتۋ جايىندا نە ايتادى جانە ەكىنشىسى عىلىمنىڭ دامۋىنا نە كەدەرگى كەلتىرىپ وتىر. استاناعا جەتكەن سوڭ حاتتاما جاساپ، ءبولۋ قاجەت. سىزبەن بىرگە وتىرىپ، زەرتتەۋگە گرانتتار قالاي بولىنەدى جانە باسقا دا ماسەلەلەردى تالقىلايمىز. بارلىعى جازۋ كەرەك جانە نەنىڭ قالاي بولاتىندىعىن، جالپى ماسەلە ءتۇيىنىنىڭ قالاي شەشىلەتىندىگىن ءتۇسىنۋ قاجەت»، - دەدى باقىتجان ساعىنتايەۆ ءبىلىم ءمينيسترى ە. ساعاديەۆكە قاراتا ايتقان سوزىندە.

ۇكىمەت باسشىسىنىڭ اتاپ وتۋىنشە، تەحنيكالىق ماسەلەلەر شەشىمىن تاۋىپ جاتىر.

«زەرتحانالارعا قاتىستى، الدىمەن ونىڭ كىمگە كەرەكتىگىن جاساۋ قاجەت. قىتايدا، سينگاپۋردا بولدىم، ولاردا مۇنداي زەرتحانالار وتە كوپ. شاعىن بولمە، 5 ادامنان تۇراتىن عىلىمي توپ ءسۇت بەزى وبىرىن زەرتتەۋدە. ول زەرتحانادا بارلىعى بار. ءبىر، ەكى جىل جۇمىس ىستەپ، ناتيجەگە قول جەتكىزگەننەن كەيىن ورنىڭنان تۇرىپ كەتە بەرەسىڭ، باسقالارى كەلەدى. سەن باسقا جەرگە بارىپ ازىرلەمەڭدى ساتاسىڭ، جۇمىسقا ورنالاساسىڭ. قازىر ونكولوگيا جايىندا ايتتىق. ەكسپو پاۆيلوندارى بازاسىندا عىلىمي-يننوۆاتسيالىق تەحنوپاركىن جاسايتىن بولامىز جانە وسىنداي زەرتحانالار قويعىمىز كەلەدى»، - دەدى ۇكىمەت باسشىسى.

ءسوز سوڭىندا پرەمەر-مينيستر بۇل كەزدەسۋ سوڭعى ەمەس ەكەندىگىن ەسكەرتتى.