ەنەرگەتيكا مينيسترلىگى ەلەكتر ەنەرگياسىنىڭ جاڭارتىلعان ءتاريفىن بەكىتتى

«ەلەكتر ەنەرگياسىنىڭ ۇسىنىلعان شەكتى ءتاريفى بەكىتىلسىن. ەلەكتر ەنەرگەتيكاسى سالاسىنداعى مەملەكەتتىك ساياساتتى جۇزەگە اسىرۋ دەپارتامەنتى ق ر بەكىتىلگەن زاڭناماسىنا سايكەس: وسى بۇيرىقتىڭ ق ر ادىلەت مينيسترلىگىندە تىركەلۋىن، وسى بۇيرىق تىركەلگەننەن كەيىن 10 كۇنتىزبەلىك كۇننىڭ ىشىندە قازاق جانە ورىس تىلىندە رەسمي تۇردە جاريالاپ، ق ر ن ق ق ەتالوندى باقىلاۋ بانكىنە ەنگىزۋ ءۇشىن «رەسپۋبليكالىق قۇقىقتىق اقپارات ورتالىعى» رەسپۋبليكالىق مەملەكەتتىك كاسىپورنىنا جولدانۋىن، اتالمىش بۇيرىقتى ق ر ەنەرگەتيكا مينيسترلىگىنىڭ ينتەرنەت-رەسۋرسىنا جاريالانۋىن قامتاماسىز ەتسىن»، - دەلىنگەن ءمينيستردىڭ بۇيرىعىندا.

قۇجاتتا اتالىپ وتكەندەي، بۇيرىق 2019-جىلدىڭ 1- قاڭتارىنان باستاپ كۇشىنە ەنەدى.

ەسكە سالا كەتسەك، وتكەن ايدا قازاقستان پرەزيدەنتى ەنەرگيا تاريفىنە قاتىستى ماسەلە الاڭداۋشىلىق تۋدىرىپ وتىرعانىن، تابيعي مونوپوليا قىزمەتىنىڭ ءتاريفىن بەلگىلەۋ بويىنشا ءتارتىپتى ورناتۋ تۋرالى تاپسىرما بەرگەنىن ايتقان ەدى.