ەلىمىز قىستا قاتپايتىن ديزەل وتىنىن ءوندىرۋدى باستادى

استانا. قازاقپارات - قازاقستاندا جاڭا ديزەل وتىنى وندىرىلە باستادى. ەلىمىزدە بۇرىن سوڭدى بولماعان مۇنداي وتىن ءتۇرىن شىعارۋدى قايتا جاڭعىرتىلعان اتىراۋداعى مۇناي وڭدەۋ زاۋىتى قولعا الدى.

ول قىستا قاتپايدى، قولدانىسقا قولايلى. Khazar -32 دەپ اتالاتىن ءونىمنىڭ ساپاسى جوعارى، ەكولوگيالىق تۇرعىدا تازا ك5 ساناتىنداعى جانارمايعا ساي كەلەدى. بۇل تۋرالى الماتىدا ءوتىپ جاتقان V حالىقارالىق «كاسپي جانە ورتالىق ازيا مۇناي وڭدەۋ جانە مۇناي- حيميا» تاقىرىبىنا ارنالعان كونفەرەنسيادا ايتىلدى.

 سونداي- اق بولاشاقتا «سيفرلى مۇناي وڭدەۋ» زاۋىتىنىڭ قۇرىلىسى قولعا الىناتىندىعى ءمالىم بولدى.

 ەۆنيكا پولوۆينكينا، كومپانيانىڭ باسقارۋشى ديرەكتورى:

 - بيىلعى كونفەرەنسيامىزدىڭ نەگىزگى تاقىرىبى سيفرلى قازاقستان. ياعني مۇناي ءوندىرۋ سالاسىنىڭ سيفرلىق ترانسفورماتسياسى. ءار كومپانيا سالعان ينۆەستيتسياسىنىڭ قايتارىمى بولۋى ءۇشىن وزىق تەحنولوگيالاردى پايدالانۋى ءتيىس.

 تيمۋر يلياسوۆ، حالىقارالىق ساراپتاۋ اگەنتتىگىنىڭ ۆيتسە- پرەزيدەنتى:

- قازىر ءبىز رەسەيدەن كەلەتىن يمپورت كولەمىن ايتارلىقتاي ازايتتىق. ماسەلەن، بيىل قاڭتار- قازان ايلارى ارالىعىندا سىرتتان 400 مىڭ توننا عانا بەنزين الدىق. بۇل بىلتىرعى وسى مەرزىممەن سالىستىرعاندا ەكى ەسەگە تومەن. بۇگىندە ىشكى نارىقتى وتاندىق ونىممەن قامتاماسىز ەتۋگە قاۋقارىمىز جەتكىلىكتى. تۇتىنۋشىلارعا ايتارىمىز جانارماي باعاسى قىمباتتامايدى. جاڭا جىلعا دەيىن قانداي دا ءبىر باعا اۋىتقۋلارىن بولجاپ وتىرعان جوقپىز.

www.24.kz