ق ر ەنەرگەتيكا ءمينيسترىنىڭ جاڭا ورىنباسارى تاعايىندالدى

استانا. قازاقپارات - ق ر ۇكىمەتىنىڭ قاۋلىسىمەن ەسىمحانوۆ سۇڭعات قۋات ۇلى ەنەرگەتيكا ۆيتسە-ءمينيسترى بولىپ تاعايىندالدى، دەپ حابارلايدى قازاقپارات.

ۆەدومستۆونىڭ باسپا ءسوز قىزمەتىنەن ءمالىم ەتكەندەي، وسىعان دەيىن بۇل لاۋازىمدا بولعان اناتولي شكارۋپا ءوز وتىنىشىمەن قىزمەتىنەن بوساتىلدى.

س. ەسىمحانوۆ 1973-جىلى پاۆلودار وبلىسىندا تۋعان. 1996-جىلى پاۆلودار يندۋستريالدى ينستيتۋتىن، 2007-جىلى قاراعاندىنىڭ ​​«بولاشاق» ينستيتۋتىن بىتىرگەن.

ەڭبەك جولىن 1996-جىلى «قازاقستان اليۋمينيى» ا ق- نىڭ گيدرومەتاللۋرگيالىق سەحىندا ينجەنەر بولىپ باستاپ، وندا 2000-جىلعا دەيىن جۇمىس ىستەدى.

2001-2007-جىلدارى استانا، اقتاۋ، قاراعاندى قالالارى بويىنشا ق ر تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ قۇرامىندا مامان، ءبولىم باستىعى، دەپارتامەنت ديرەكتورى قىزمەتتەرىن اتقاردى. 2008-2010-جىلدارى پاۆلودار وبلىسىنىڭ ەنەرگەتيكا جانە كوممۋنالدىق شارۋاشىلىق باسقارماسىن باسقاردى.

2010-2013-جىلدارى «قازاق ەنەرگو ەكسپەرتيزا» ا ق پرەزيدەنتى بولدى. 2013-2014-جىلدارى ق ر يندۋستريا جانە جاڭا تەحنولوگيالار مينيسترلىگىنىڭ ەلەكتر ەنەرگەتيكاسى جانە كومىر ونەركاسىبى دەپارتامەنتىنىڭ ديرەكتورى بولىپ جۇمىس ىستەدى.

2014-جىلدىڭ تامىز ايىنان باستاپ قازىرگى ۋاقىتقا دەيىن ق ر ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ ءتوراعاسى قىزمەتىن اتقاردى.