ق ح ر ءتوراعاسى شي جينپيڭ: نۇرسۇلتان نازاربايەۆتىڭ باسشىلىعىمەن قازاقستان زور جەتىستىكتەرگە قول جەتكىزدى
بۇل تۋرالى primeminister.kz حابارلايدى.
ق ح ر ءتوراعاسى شي جينپيڭمەن رەسمي كەزدەسۋ بارىسىندا باقىتجان ساعىنتايەۆ ق ر پرەزيدەنتى نۇرسۇلتان نازاربايەۆتىڭ جىلى لەبىزىن جانە مەملەكەت باسشىسىنىڭ 2019 - جىلى رەسمي ساپارمەن قازاقستانعا شاقىرۋىن جەتكىزدى. قازىرگى تاڭدا ق ح ر - ق ر- نىڭ ءىرى سىرتقى ساۋدا سەرىكتەسى، ەلدەردىڭ ەكىجاقتى ساۋدا- ەكونوميكالىق ىنتىماقتاستىعىنىڭ كوپتەگەن سالالارىندا كەلەشەگى زور.
ءوز كەزەگىندە قىتاي ءتوراعاسى ق ر پرەزيدەنتىنە سالەمىن جولداپ، مەملەكەت ارالىق قارىم- قاتىناستاردىڭ جوعارى دەڭگەيىن اتاپ ءوتتى، ءارى پرەزيدەنت ن. نازاربايەۆتىڭ باسشىلىعىمەن قازاقستان زور جەتىستىكتەرگە قول جەتكىزگەنىن، قىتاي قازاقستان حالقىنىڭ ءوزىنىڭ ەگەمەن جولىمەن جۇرۋگە دەگەن تالپىنىسىن قولدايتىنىن جەتكىزدى. شي جينپيڭ «ءبىر بەلدەۋ، ءبىر جول» باستاماسىنىڭ بەسجىلدىعىنا دا نازار اۋداردى. ق ح ر ءتوراعاسى باعدارلامانىڭ يدەياسى 2013 -جىلعى 7 - قىركۇيەكتە استاناداعى نازاربايەۆ ۋنيۆەرسيتەتى الاڭىندا ايتىلعانىن ەسكە سالىپ، ونى نۇرسۇلتان نازاربايەۆپەن بىرلەسىپ ۇسىنىلعان باستاما دەپ سانايتىنىن جەتكىزدى.