ەلباسى ماقالاسى بولاشاعىمىزدىڭ كوكجيەگىن ايقىنداۋعا جول اشادى - كوكشەتاۋ عالىمدارى
شاراعا ءبىلىم ورداسىنىڭ وقىتۋشىلارى مەن ستۋدەنتتەرىنەن بولەك، قوعام وكىلدەرى دە قاتىستى. ولاردىڭ اراسىندا مۇراجاي، ءبىلىم سالاسى ءتارىزدى كوپتەگەن سالالاردىڭ وكىلدەرى بولدى. تانىمدىق كەزدەسۋدە ۇيىمداستىرۋ يدەياسىنا اقمولا وبلىسىنىڭ ىشكى ساياسات باسقارماسى قولداۋ ءبىلدىردى.
شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ رەكتورى مارات سىرلىبايەۆ ماقالانىڭ تاريحي ماڭىزدىلىعىن توقتالدى.
«ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» اتتى ماقالاسى وزەكتى جانە ۋاقتىلى جاريالانىپ وتىر. بۇل بىزگە وتكەنىمىز بەن بۇگىنگىمىزدى سارالاپ، ەرتەڭىمىز بەن بولاشاعىمىزدىڭ كوكجيەگىن ايقىنداۋعا جول اشادى. ماقالانىڭ باستى يدەياسى ءوز تاريحىنا دەگەن ەۋروپاشىلدىق كوزقاراستان ارىلۋ بولىپ تابىلادى. بۇل عىلىمي فاكتىلەرگە سۇيەنە وتىرىپ، تەرەڭ جانە كۇردەلىگىنە قاراماستان قازاق حالقى مەن ۇلتتىق تاريحىنىڭ باستاۋىن تۇسىنۋگە كومەكتەسەدى»، - دەدى ۋنيۆەرسيتەت رەكتورى.
سونداي-اق، «ۇلى دالانىڭ - ۇلى تۇلعالارى» تاقىرىبىندا بايانداما جاساعان تاريح عىلىمدارىنىڭ دوكتورى، پروفەسسور قادىرجان ءابۋوۆتىڭ ويى دا ءبىر جەردەن شىقتى. ول ءوز سوزىندە قازاقتاردىڭ ارعى تەگى تاريحتىڭ باعىتىن ءوز ەلىنىڭ اۋماعىندا عانا ەمەس، سىرتتا دا وزگەرتكەنىن اتاپ ءوتتى.
«ءبىزدىڭ ماقتان تۇتاتىن تۇلعالارىمىز از ەمەس. ولاردىڭ اراسىندا ابىلاي حان، ۇمبەتەي جىراۋ، كەنەسارى، شوقان ءۋاليحانوۆ بار»، - دەدى قادىرجان ءابۋوۆ.
عالىم قازاق حالقىنىڭ تاريحىنا دەگەن قىزىعۋشىلىق عالىمدار الەمىن عانا ەمەس، وزگە ەلدەردىڭ تۋريستەرىنىڭ بويىندا دا قالىپتاستاتىنىنا سەنىمدى. تاريح عىلىمدارىنىڭ كانديداتى، دوتسەنت، وتاندىق تاريح جانە «رۋحاني جاڭعىرۋ» كافەدراسىنىڭ مەڭگەرۋشىسى قانات بازاروۆ «ۇلى دالا- الەمدىك وركەنيەت بەسىگى» تاقىرىبىندا ءوزىنىڭ پىكىرىمەن بولىسسە، فيلولوگيا عىلىمدارىنىڭ كانديداتى امانجول ەسماعۇلوۆ بىرنەشە اۋدانعا ۇيىمداستىرىلعان ارحەلوگيالىق ساياحات كەزىندە ستۋدەنتتەر وزدەرىنىڭ ۇلى تاريحىن قالاي تانىپ جاتقاندىعى تۋرالى ايتىپ بەردى.
سونىمەن قاتار، فيلوسوفيا عىلىمدارىڭ كانديداتى، دوتسەنت راۋزا ابدۋلينا، تاريح عىلىمدارىنىڭ كانديداتى، دوتسەنت، مارات وتەگەنوۆ، جالپى تاريح كافەدراسىنىڭ وقىتۋشىسى، گۋمانيتارلىق عىلىمداردىڭ ماگيسترى عالىمتاي تولەپبەرگەنوۆ جانە ورىس فيلولوگيا جانە كىتاپحانا ءىسى كافەدراسىنىڭ اعا وقىتۋشىسى ساپار قاسەنوۆ ەلباسى ءوزىنىڭ «ۇلى دالانىڭ جەتى قىرى» اتتى ماقالاسىندا ۇلت تاريحىنداعى كەڭىستىك پەن ۋاقىت، تاريحي سانانى جاڭعىرتۋدى جان-جاقتى تالداپ، تەرەڭ فيلوسوفيالىق تولعام جاساعانىن تاريحي دەرەكتەر كەلتىرە وتىرىپ جەتكىزدى.
«ۇلتتىق سانا-سەزىمدى جاڭعىرتۋدىڭ ماڭىزى زور. قازاقستان قاي جاعىنان السا دا برەند بولۋى ءتيىس. مىسال رەتىندە قازاقتىڭ ءار اۋىلىندا وندىرىلەتىن ۇلتتىق سۋسىنىمىز قىمىزدى الۋعا بولادى. سونداي-اق، ۇلتتىق سپورت تۇرلەرىن دامىتۋعا دا كوپ كوڭىل ءبولۋىمىز قاجەت»، - دەدى عالىمتاي تولەپبەرگەنوۆ.
شارادا قاتىسقان اقمولا وبلىسى ىشكى ساياسات باسقارماسىنىڭ باسشىسى گۇلجانار شوكەيەۆا ۋنيۆەرسيتەت عالىمدارىنىڭ ەلباسى ماقالاسىن جىكتەپ ايتىپ بەرگەنى ءۇشىن العىسىن ايتا كەلە، ەلىمىزدىڭ كەلەشەك جاستارىنىڭ ساناسىنا جەتكىزۋدە ولشەۋسىز ۇلەس قوساتىندىقتارىنا سەنىم ءبىلدىردى.
كونفەرەنسيا قورىتىندىسى بويىنشا ق ر پرەزيدەنتى نۇرسۇلتان نازاربايەۆتىڭ اتىنا اقمولا وبلىسى عالىمدارىنىڭ اتىنان ۇندەۋ قابىلداندى.