ق ر مەملەكەتتىك حاتشىسىنىڭ توراعالىعىمەن جاستار ساياساتى جونىندەگى كەڭەستىڭ وتىرىسى وتۋدە

استانا. قازاقپارات - استانا قالاسىندا ق ر مەملەكەتتىك حاتشىسى گۇلشارا ءابدىقالىقوۆانىڭ ءتوراعالىق ەتۋىمەن ق ر پرەزيدەنتى جانىنداعى جاستار ساياساتى جونىندەگى كەڭەستىڭ كەزەكتى وتىرىسى ءوتىپ جاتىر، دەپ حابارلايدى «قازاقپارات» ءتىلشىسى.

كەڭەس وتىرىسىنىڭ جۇمىسىنا ۇكىمەت مۇشەلەرى، ق ر پارلامەنت ءماجىلىسىنىڭ دەپۋتاتتارى، رەسپۋبليكالىق جاستار ۇيىمدارىنىڭ كوشباسشىلارى، جاستار ساياساتى سالاسىنداعى ساراپشىلار، سونداي-اق جاستار ساياساتى ماسەلەلەرى بويىنشا ايماقتىق باسقارمالاردىڭ باسشىلارى قاتىسۋدا.

ق ر مەملەكەتتىك حاتشىسى گۇلشارا ءابدىقالىقوۆانىڭ اتاپ وتۋىنشە، 2013-جىلى ەل ۇكىمەتى «قازاقستان 2020: بولاشاققا جول» قازاقستان رەسپۋبليكاسى جاستار ساياساتىنىڭ 2020-جىلعا دەيىنگى تۇجىرىمداماسىن بەكىتكەن.

«تۇجىرىمدامانى ىسكە اسىرۋ ەكى كەزەڭمەن جۇزەگە اسىرىلادى، 2015-جىلى ىسكە اسىرۋدىڭ ءبىرىنشى كەزەڭى اياقتالعان. ونىڭ قورىتىندىلارى بويىنشا مەملەكەتتىك جاستار ساياساتى سالاسىنىڭ ينستيتۋتسيونالدىق، ادىستەمەلىك دامۋىندا وڭ وزگەرىستەرگە قول جەتكىزىلگەن. 2016-جىلدان باستاپ تۇجىرىمدامانىڭ ەكىنشى كەزەڭىن ىسكە اسىرۋ باستالدى. ەكىنشى كەزەڭنىڭ ماقساتى - جاس ازاماتتاردىڭ تابىستى الەۋمەتتەنۋى جانە جاستار الەۋەتىن ەلدىڭ ودان ءارى دامۋى ءۇشىن باعىتتاۋ ءۇشىن مەملەكەتتىك جاستار ساياساتىنىڭ ءتيىمدى مودەلىن قالىپتاستىرۋدى اياقتاۋ»، - دەدى گۇلشارا ءابدىقالىقوۆا.

مەملەكەتتىك جاستار ساياساتى تۇجىرىمداماسىنىڭ ەكىنشى كەزەڭىن ىسكە اسىرۋ ۇلت جوسپارى، قازاقستاننىڭ ءۇشىنشى جاڭعىرۋى، «رۋحاني جاڭعىرۋ» باعدارلاماسىنىڭ مىندەتتەرى كونتەكستىندە ءوتىپ جاتىر.

«2017-جىلدىڭ قاراشا ايىندا كونتسەپتسيانى ىسكە اسىرۋ بويىنشا شارالار جوسپارى جاڭارتىلدى، ول جۇمىسپەن قامتۋ، بوس ۋاقىتتى ۇيىمداستىرۋ، وتباسىلىق قۇندىلىقتاردى نىعايتۋ، جاستار ۇيىمدارىن، كاسىپكەرلىك جانە ۆولونتەرلىكتى قولداۋعا باعىتتالعان»، - دەدى ق ر مەملەكەتتىك حاتشىسى.

ق ر پرەزيدەنتى جانىنداعى جاستار ساياساتى جونىندەگى كەڭەس - ەلدەگى مەملەكەتتىك جاستار ساياساتىن جەتىلدىرۋ بويىنشا ءىس-شارالاردىڭ باستى ديالوگ الاڭى. 2017-جىلى كەڭەستىڭ قۇرامى ساپالى وزگەرتىلگەن، سالالىق ايماقتىق باسقارمالار جۇمىسىن ۇيلەستىرۋ كۇشەيتىلدى.