شۆەيتساريا قازاقستاندىق تاۋ گيدى، شاڭعى نۇسقاۋشىسىنىڭ ستاندارتىن جاساۋعا كومەكتەسەدى
«Kazakh Tourism» ۇ ك ا ق- نىڭ باسقارما ءتوراعاسى راشيد كۇزەمبايەۆ 29- قازان مەن 2- قاراشا ارالىعىندا شۆەيتساريادا جۇمىس ساپارىمەن باردى.
«رەسمي ساپار كەزىندە جەنيەۆا مەن تسيۋريحتە تۋريستىك كومپانيا وكىلدەرى مەن الەۋەتتى ينۆەستورلاردىڭ قاتىسۋىمەن ەكى روۋد-شوۋ وتكىزىلدى. وندا جالپى قازاقستان مەن رەسپۋبليكالىق تۋريستىك كارتاسىنىڭ توپ-10 ينۆەستيتسيالىق جوباسى تانىستىرىلدى»، - دەلىنگەن كومپانيا حابارلاماسىندا.
ودان بولەك، جەنيەۆادا دۇنيەجۇزىلىك ەكونوميكالىق فورۋمى وكىلدەرىمەن تۋريزمنىڭ باسەكەگە قابىلەتتىلىك يندەكسى جانە ساياحاتتاۋ ماسەلەسى تالقىلاندى. اتالعان يندەكستىڭ 2025-جىلعا دەيىنگى ىشكى جانە كوشپەلى تۋريزم اتتى ازىرلەنۋ ۇستىندەگى مەملەكەتتىك باعدارلاما اياسىندا ماڭىزدى ينديكاتور ەكەنىن اتاپ وتكەن ءجون.
سونىمەن قاتار، «Kazakh Tourism» ۇلتتىق كومپانياسىنىڭ باسشىسى راشيد كۇزەمبايەۆ باستاعان دەلەتسيا تسيۋريحتە ەكونوميكالىق سۇراقتار توڭىرەگىندە (Seco) مەملەكەتتىك حاتشىلىق باسشىلىعى جانە Swiss Tourism, Swiss Health, Swiss Education Grou كومپانيالارى وكىلدەرىمەن ءبىرقاتار كەزدەسۋلەر وتكىزدى.
كەزدەسۋ ناتيجەسىندە Kazakh Tourism مەن Swiss Tourism كومپانيالارى ءوزارا ىنتىماقتاستىق تۋرالى مەموراندۋمعا قول قويدى. ول بويىنشا شۆەيتساريا ەلىمىزدىڭ ۇلتتىق ساياباقتارى مەن تاۋلى مەكەندەرىندە جىل بويعى ءتۋريزمدى دامىتۋ جانە تاۋ گيدتەرى مەن شاڭعى نۇسقاۋشىلارىن دايىنداۋ ستاندارتتارىن ەنگىزۋ مەن بەيىمدەۋگە ات سالىسادى.
سول سياقتى اتالعان كەلىسىم ەكى ەل اراسىنداعى تۋريستىك ونىمدەردى ىلگەرىلەتۋدە ءوزارا قولداۋ مەن اقپارات الماسۋعا جانە حالىقارالىق ىنتىماقتاسۋعا باعىتتالعان.
