استانا اكىمى حالىقپەن اشىق ديالوگ وتكىزەدى

استانا. قازاقپارات - شاھار اكىمى باقىت سۇلتانوۆ ونلاين كونفەرەنتسيا ارقىلى استانانىڭ كوكەيتەستى ماسەلەلەرىن كوتەرىپ، تۇرعىنداردىڭ سۇراقتارىنا جاۋاپ بەرەدى، دەپ حابارلايدى قازاقپارات ءتىلشىسى ەلوردا اكىمدىگىنە سىلتەمە جاساپ.

اكىمدىكتىڭ حابارلاۋىنشا، قالا باسشىسىنىڭ قاتىسۋىمەن وتەتىن ونلاين-فورۋمدا ءبىرقاتار ماڭىزدى ماسەلەلەر قارالادى.

اتاپ ايتقاندا، اكىمدىكتىڭ جەمقورلىقپەن كۇرەس جانە مەملەكەتتىك قىزمەت كورسەتۋ ساپاسى بويىنشا قابىلداعان شارالارى، مەملەكەتتىك قىزمەتشىلەردىڭ جالپىعا ءتان مورالدىق-ەتيكالىق نورمالاردى ساقتاۋى جانە قۇرىلىس سالاسىن دامىتۋ مەن استانا قالاسىنىڭ ساۋلەتى تالقىلانادى.

سونىمەن قاتار، جولاۋشى تاسىمالداۋ بويىنشا قالاداعى كولىك كاسىپورىندارىنىڭ پروبلەمالارىن شەشۋ جانە اۆتوموبيل جولدارىنىڭ جاعدايى، سونداي-اق، جەرگىلىكتى بيۋجەتتى تولىقتىرۋ مەن استاناداعى كوممۋنالدىق مەنشىكتىڭ حال-جاعدايى ءسوز بولادى.

فورۋمعا قاتىسقىسى كەلەتىندەر e.gov.kz سايتىنداعى «اشىق ديالوگ» - ينتەرنەت كونفەرەنسيا پاراقشاسىنا ەلەكتروندى سيفرلىق قولتاڭبا ارقىلى كىرە الادى. باستالۋ ۋاقىتى: 2- قاراشا، 2018- جىل، ساعات 09:00-15.00 ارالىعىندا.