ەلباسى گۇلشارا ءابدىقالىقوۆاعا ءبىرقاتار ناقتى تاپسىرما بەردى

استانا. قازاقپارات - ەلباسى مەملەكەتتىك حاتشى گۇلشارا ءابدىقالىقوۆانى قابىلدادى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا مەملەكەت باسشىسىنا قازاقستان پرەزيدەنتى جانىنداعى كونسۋلتاتيۆتىك- كەڭەسشى ورگانداردىڭ قىزمەتى تۋرالى مالىمدەلدى، سونداي-اق ۇلتتىق جانە مەملەكەتتىك مەرەكەلەردى اتاپ وتۋگە دايىندىق بارىسى جونىندە ەسەپ بەرىلدى.

نۇرسۇلتان نازاربايەۆ وسى باعىتتاعى ۇيىمداستىرۋ جۇمىستارىن ساپالى جۇرگىزۋدىڭ ماڭىزدى ەكەنىن اتاپ ءوتتى.

سونىمەن قاتار، گ. ءابدىقالىقوۆا مەملەكەتتىك ناگرادالار جانە ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيالاردىڭ جۇمىسى تۋرالى باياندادى.

سوڭىندا مەملەكەت باسشىسى ءبىرقاتار ناقتى تاپسىرما بەردى.