ۇكىمەت باسشىسى قورعاسقا باردى
ترانزيتتىك الەۋەتتىڭ دامۋىمەن تانىسۋ ماقساتىندا قازاقستان- قىتاي شەكاراسىنداعى «نۇر جولى» (ق ر) - قورعاس (ق ح ر) وتكىزۋ پۋنكتى مەن «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ ءبىرقاتار نىساندارىنا باردى، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
«نۇر جولى» - ەلباسى ن. نازاربايەۆتىڭ «نۇرلى جول» باعدارلاماسى اياسىندا جۇزەگە اسىرىلعان «باتىس ەۋروپا - باتىس قىتاي» اۋقىمدى جوباسىنىڭ سوڭعى قورىتىندىسى جانە ورتالىق ازيا اۋماعىنداعى ەڭ ۇلكەن وتكىزۋ پۋنكتى. قىتايدىڭ «ءبىر بەلدەۋ، ءبىر جول» باستاماسىمەن ۇيلەسكەن پرەزيدەنتتىڭ مەملەكەتتىك باعدارلاماسى ەڭ الدىمەن ۇلى جىبەك جولىن جاڭعىرتۋدى كوزدەيدى. الماتى وبلىسىنىڭ پانفيلوۆ اۋدانىنداعى وتكىزۋ پۋنكتى ارقىلى قىتاي حالىق رەسپۋبليكاسىمەن اۋىر جانە جەڭىل اۆتوكولىكتەر، سونداي-اق جولاۋشىلار اۆتوبۋستارى شەكارادان وتەدى.
ب. ساعىنتايەۆ وتكىزۋ پۋنكتىنىڭ جۇمىس ورىندارىن قاراپ، نەگىزگى تەحنيكالىق الەۋەتىمەن تانىستى. بۇل اۋقىمدى زاماناۋي كولىك- لوگيستيكالىق ورتالىقتىڭ قۇرىلىسى 2017 -جىلى باستالعان، ال وسى جىلدىڭ 27 -قىركۇيەگىندە اشىلۋ سالتاناتى ءوتتى. جوبانىڭ قۇرىلىسى مەملەكەتتىك- جەكەمەنشىك ارىپتەستىك قاعيداتى بويىنشا ىسكە اسىرىلدى.
«نۇر جولى» وتكىزۋ پۋنكتى تەحنيكالىق جابدىقتالۋ، كولىك قۇرالدارىنىڭ ءوتۋ جىلدامدىعى جانە باقىلاۋ جۇيەسىن ەنگىزۋ بويىنشا تەڭدەسسىز بولىپ سانالادى. توقتاۋسىز جۇمىس ىستەيتىن، اۆتوماتتاندىرىلعان باقىلاۋ جانە تىركەۋ جۇيەسى بار زاماناۋي قۇرال-جابدىقتاردىڭ ارقاسىندا جۇك كولىكتەرىن كەدەندىك جانە شەكارالىق راسىمدەۋ ۋاقىتى 40 مينۋتقا دەيىن قىسقارتىلادى. قر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى گ. ءامريننىڭ ايتۋىنشا، كەشەننىڭ جالپى قۇرىلىمى كولىك قوزعالىسىنىڭ ەكى باعىتىندا جۇمىس كۇندەرى 2500 كولىك قۇرالىن وتكىزۋگە قاۋقارلى. ونىڭ ىشىندە 2200 جۇك كولىگى، 300 جولاۋشى كولىگى بار. بۇل ترانزيتتىك اعىنداردىڭ ەداۋىر ۇلعايۋىنا مۇمكىندىك بەردى.
بولاشاقتا جاڭا پۋنكت تاۋلىگىنە 5000 كولىككە دەيىن وتكىزە الاتىن بولادى. مۇنداي وتكىزۋ پۋنكتى بار ءىرى ساۋدا ءدالىزىنىڭ پايدا بولۋى ەلىمىزدىڭ ينۆەستيتسيالىق تارتىمدىلىعىن ارتتىرىپ، وڭىرلىك ەكونوميكانىڭ دامۋىنا قۋاتتى سەرپىن بەرمەك.
سونداي-اق، باقىتجان ساعىنتايەۆ شەكارا ماڭى ىنتىماقتاستىعىنىڭ حالىقارالىق ورتالىعىنىڭ جۇمىسىمەن دە تانىستى. جوبا قازاقستان مەن قىتاي مەملەكەت باسشىلارىنىڭ باستاماسىمەن جۇزەگە اسىرىلۋدا. ماقسات - ەكى ەل اراسىنداعى ساۋدا- ەكونوميكالىق، ينۆەستيتسيالىق، عىلىمي- تەحنيكالىق جانە مادەني ىنتىماقتاستىقتى دامىتۋ.
«قورعاس» ش ى ح و جالپى اۋماعى 560 گەكتار بولاتىن ەكى مەملەكەتتىڭ شەكارالاس اۋماقتارىندا ورنالاسقان جانە مەملەكەتتىك شەكارا ارقىلى وتەتىن «ارنايى وتكەل» ارقىلى قوسىلعان قازاقستاندىق جانە قىتاي بولىكتەرىنەن تۇرادى. جوبانىڭ بىرەگەيلىگى - ورتالىقتىڭ اۋماعىندا ادامدار، تاۋار جانە كولىك قۇرالدارى ۆيزاسىز ەركىن قوزعالا الادى.
«قورعاس» ش ى ح و پرەزيدەنتى ق. ءجازيننىڭ ايتۋىنشا، ەكى ەل تۇرعىندارى تاراپىنان 2012 -جىلدىڭ ءساۋىر ايىندا اشىلعان ورتالىققا دەگەن قىزىعۋشىلىق جىل سايىن ارتىپ كەلەدى. حالىقارالىق ورتالىقتىڭ اۋماعىنا كىرۋ ءتارتىبىن جەڭىلدەتۋ ءۇشىن ءبىراز جۇمىستار اتقارىلدى. ماسەلەن، 2016 -جىلدىڭ قاراشا ايىنان باستاپ، ازاماتتارعا «قورعاس» ش ى ح و اۋماعىنا كىرۋگە تەك جەكە كۋالىك پەن بالانىڭ تۋۋ تۋرالى كۋالىگى ء(بىر اتا- اناسى جانىندا بولعان جاعدايدا) عانا كەرەك. 2018 -جىلدىڭ قاڭتارىنان قىركۇيەك ايىنا دەيىن ەكى جاقتان كەلۋشىلەردىڭ جالپى سانى 1 ميلليون ادامنان اسقان.
قازىرگى تاڭدا «قورعاس» ش ى ح و» ا ق اۋدانى 236 گەكتار بولاتىن رەزەرۆتەگى اۋماقتاردى قوسۋدى قاراستىراتىن قۇرىلىستىڭ باس جوسپارىنا تۇزەتۋلەر ەنگىزۋ جۇمىستارىن اياقتادى. جاڭا باس جوسپارعا سايكەس، كوپ فۋنكسيالى ساۋدا ۇيلەرىن جانە حالىقارالىق ىسكەرلىك ىنتىماقتاستىققا ارنالعان ورتالىقتاردى، سونداي-اق، مادەني الماسۋ ورىندارىن، ءبىلىم جانە عىلىمي وقىتۋ ورتالىقتارىن، سپورتتىق- ساۋىقتىرۋ ينفراقۇرىلىمى بار دەمالىس ورىندارىن سالۋ جوسپاردا بار.
«قورعاس» ش ى ح و مالىمەتىنە سايكەس، ورتالىق اۋماعىندا جالپى قۇنى شامامەن 356 ميلليار تەڭگە بولاتىن 27 ينۆەستيسيالىق نىسان بار. پايدالانۋعا بەرىلگەن ساۋدا ۇيلەرىنىڭ جالپى اۋدانى 24663 شارشى مەتر قۇرايدى. 2018 -جىلدىڭ سوڭىنا قاراي اۋدانى شامامەن 40000 شارشى مەتر بولاتىن 2 ينۆەستيسيالىق نىساننىڭ قۇرىلىسىن اياقتاۋ كوزدەلگەن.
بۇدان وزگە «قورعاس» ش ى ح و- نىڭ قازاقستاندىق بولىگىندە ناقتى سالىق جەڭىلدىكتەرىنىڭ پاكەتى بار ارنايى ەكونوميكالىق ايماق قۇرىلعان. ش ى ح و- عا ا ە ا مارتەبەسىن بەرۋ كاسىپكەرلىك قىزمەتتى دامىتۋعا جانە ينۆەستيتسيالار تارتۋعا قولايلى جاعدايلار جاسايدى. «قورعاس» ش ى ح و ا ە ا- نىڭ بولاشاق قاتىسۋشىلارى الەۋمەتتىكتەن وزگە، نەگىزگى سالىقتاردى تولەۋدەن بوساتىلادى. وسى جانە باسقا دا جەڭىلدىكتەر مەن ارتىقشىلىقتار قازاقستاندىق جانە شەتەلدىك قاتىسۋشىلار ءۇشىن دە قولجەتىمدى بولادى.
ش ى ح و- دا تاۋار اينالىمى سيفرلاندىرىلۋدا. بۇل كەدەن باقىلاۋى پروتسەستەرىن اۆتوماتتاندىرۋعا جول اشادى.
قازىرگى تاڭدا قازاقستاندىق ينۆەستورلار ءۇشىن ينۆەستيسيالىق نىسانداردا جۇمىستارىن جۇزەگە اسىرۋ ماقساتىندا باقىلاۋ- وتكىزۋ پۋنكتەرىندە تاۋلىكتىك جۇمىس رەجيمى ماسەلەسى شەشىلگەن. قازاقستان مەن قىتاي اراسىنداعى شەكارا ماڭى ساۋداسى مەن ءتۋريزمدى ودان ءارى جانداندىرۋعا كومەكتەسۋ ماقساتىندا قىتايدىڭ باقىلاۋ- وتكىزۋ پۋنكتىندە 14 ساعاتتىق جۇمىس رەجيمى ىسكە قوسىلعان.