ەلباسى تاپسىرماسى: «پەداگوگ مارتەبەسى تۋرالى» زاڭ جوباسى تالقىلانادى
وسى زاڭ جوبالارىن ازىرلەۋ ماقساتىندا جۇمىس توبى قۇرىلدى، دەپ حابارلايدى قازاقپارات ق ر ب ع م باسپا ءسوز قىزمەتىنە سىلتەمە جاساپ.
مينيسترلىك، مەكتەپ، كوللەدج، جوو پەداگوگتارىن، مەملەكەتتىك ورگاندار وكىلدەرىن، اتا- انالاردى ازىرلەنىپ جاتقان زاڭ جوبالارىن تالقىلاۋعا بەلسەندى قاتىسۋعا شاقىرادى. سونداي- اق بارلىق مۇددەلى ازاماتتار مەن زاڭدى تۇلعالار دا وسى جوباعا اتسالىسۋى ءتيىس.
«زاڭ جوبالارى ازىرلەنگەن سوڭ، مينيسترلىك بارلىق ايماقتاردا وسى زاڭ جوبالارىن تالقىلاۋ ماقساتىندا جۇمىس توبى مۇشەلەرىنىڭ پەداگوگيكالىق جانە اتا- انالار قاۋىمداستىقتارىمەن كەزدەسۋلەرىن ۇيىمداستىرۋدى جوسپارلاۋدا»، دەلىنگەن مينيسترلىكتىڭ فەيسبۋكتەگى پاراقشاسىندا.
زاڭ جوبالارىنا قاتىستى ۇسىنىستار بولسا bilimdiel.project@mail.ru ەلەكتروندى پوشتاسىنا جونەلتۋ كەرەك. سونىمەن قاتار، ۇسىنىستار edu.gov.kz, bilimdinews.kz سايتتارىندا «پەداگوگ مارتەبەسى تۋرالى» زاڭدى تالقىلاۋدامىز» بولىمىنە جانە رەسپۋبليكالىق «ءبىلىمدى ەل» گازەتىندە جاريالانادى.
