گۇلشارا ءابدىقالىقوۆا «مەرەيلى وتباسى» بايقاۋىنىڭ جەڭىمپازدارىن ماراپاتتادى
ءداستۇرلى بايقاۋعا بيىل دا قازاقستاننىڭ تۇپكىر-تۇپكىرىنەن دارىگەرلەر، ۇستازدار، سپورتشىلار مەن اسكەريلەردىڭ وتباسى قاتىستى.
«وتباسى ينستيتۋتىن نىعايتۋ تاۋەلسىزدىك جىلدارى مەملەكەتىمىزدىڭ الەۋمەتتىك ساياساتىنداعى باسىم باعىتتاردىڭ بىرىنە اينالدى. بۇل باعىتتا ماڭىزدى شەشىمدەر قابىلداندى. ەلىمىزدە جىل سايىن وتباسى كۇنى مەيرامىن اتاپ ءوتۋ ماقساتىمەن «مەرەيلى وتباسى» ۇلتتىق كونكۋرسى ۇيىمداستىرىلىپ كەلەدى.
بۇگىندە جۇزەگە اسىرىلىپ جاتقان پرەزيدەنتتىڭ «بەس الەۋمەتتىك باستاماسى» سياقتى جالپى ۇلتتىق جوبالار قازاقستاندىقتاردىڭ ءال-اۋقاتىن ارتتىرۋعا، وتباسىعا جان-جاقتى قولداۋ كورسەتۋگە باعىتتالعان»، - دەلىنگەن پرەزيدەنتتىڭ قۇتتىقتاۋ حاتىندا.
سالتاناتتى كەشتە مەملەكەتتىك حاتشى اقتىق كەزەڭگە وتكەن ءاربىر وتباسىعا ديپلومدار مەن باعالى سىيلىقتار تاپسىردى.
ايتا كەتەيىك، جەڭىمپاز وتباسىلار 31- تامىز بەن 7- قىركۇيەك ارالىعىندا وتكەن sms/ينتەرنەت داۋىس بە
رۋ ناتيجەسىندە انىقتالدى. وسىلايشا، جامبىل وبلىسىنان قاتىسقان نيازقۇلوۆتار اۋلەتى «مەرەيلى وتباسى» ۇلتتىق كونكۋرسىنىڭ 2018-جىلعى لاۋرەاتى اتاندى.
اۋلەت وتاعاسى ۇمەن نيازقۇلوۆ (83 جاستا) 40 جىلدان استام ۋاقىت اۋىل مەكتەبىندە مۇعالىم، ديرەكتور قىزمەتتەرىن اتقارعان. زايىبى بايان نيازقۇلوۆا (80 جاستا) 26 جىل باستاۋىش سىنىپ مۇعالىمى بولىپ جۇمىس ىستەگەن.
اعا بۋىننىڭ پەداگوگيكالىق قىزمەتىن بالالارى مەن نەمەرەلەرى جالعاستىرۋدا. اۋلەتتىڭ 3 بۋىنىنىڭ جالپى پەداگوگيكالىق ءوتىلى - 198 جىل. ەرلى-زايىپتىلار 62 جىل بىرگە ءومىر ءسۇرىپ كەلەدى جانە بىرلەسىپ 12 بالا، 32 نەمەرە، 20 شوبەرە تاربيەلەپ، ءوسىرىپ وتىر.
گ. ءابدىقالىقوۆا جەڭىمپاز وتباسىعا سالتاناتتى تۇردە ەستەلىك مۇسىنشە مەن اۆتوكولىك كىلتىن تابىس ەتتى.
ودان بولەك، كونكۋرستا قىزىلوردالىق يشامقۇلوۆتار مەن اقتوبەلىك ايتبايەۆتار اۋلەتى جۇلدەلى ورىندارعا يە بولدى. ايتبايەۆتار اۋلەتى - حالىقارالىق بايقاۋلاردا توپ جارىپ جۇرگەن قازاقستاندىق ءانشى ديماش قۇدايبەرگەننىڭ وتباسى. ماراپاتتاۋ ءراسىمى قازاقستاندىق تانىمال ەسترادا ارتىستەرىنىڭ كونسەرتىمەن اياقتالدى.
