قازاقستان پرەزيدەنتى «ارسەلورميتتال تەمىرتاۋ» مەتاللۋرگتەرىمەن كەزدەستى

قاراعاندى. قازاقپارات - قازاقستان پرەزيدەنتى «ارسەلورميتتال تەمىرتاۋ» اكسيونەرلىك قوعامىنا باردى، دەپ حابارلايدى اقوردانىڭ باسپا ءسوز قىزمەتى.

نۇرسۇلتان نازاربايەۆ قارا مەتالل پروكاتىن شىعاراتىن قاراعاندى وبلىسىنداعى ءىرى كاسىپورىنداردىڭ ءبىرىن ارالاپ كوردى. ەلباسى سۇرىپتى پروكات ءوندىرۋ تەحنولوگياسىمەن جانە مەتاللۋرگيا كومبيناتىن ودان ءارى دامىتۋ جوسپارىمەن تانىستى. سونىمەن قاتار، مەملەكەت باسشىسىنا ج ە و-1 جانە ج ە و-2 ورتالىقتارىن قايتا جوندەۋ جوسپارى، سونداي-اق ءوڭىردىڭ ەكولوگيالىق قاۋىپسىزدىگىن قامتاماسىز ەتۋ جونىندەگى شەشىمدەر تۋرالى باياندالدى.

ەلباسى كاسىپورىننىڭ ەڭبەككەرلەرىمەن كەزدەسىپ، اڭگىمەلەستى.

«قازىر زاۋىت اۋماعىندا بويىمدى ەرەكشە ءبىر سەزىم باۋراپ الدى. مەن مۇندا العاش رەت 1958-جىلى كىرگەن ەدىم. ول كەزدە بۇل جەردە ەشتەڭە بولعان جوق. بارلىعى مەنىڭ كوز الدىمدا سالىندى»، - دەپ قازاقستان پرەزيدەنتى ەسكە الدى.

نۇرسۇلتان نازاربايەۆ كومبينات مەتاللۋرگتارى مەن ەڭبەككەرلەرىنىڭ جۇمىسى اۋىر ەكەنىن اتاپ ءوتىپ، تەمىرتاۋ قالاسى مەن زاۋىتقا قاتىستى جاعدايدى ۇنەمى ءوز باقىلاۋىندا ۇستايتىنىن ايتتى.

اڭگىمە بارىسىندا ەلباسى كومپانيا باسشىلىعىنا قالا تۇرعىندارىنىڭ تۇرمىسىن جاقسارتۋ جولىندا بيزنەستىڭ الەۋمەتتىك جاۋاپكەرشىلىگى زور ەكەنىن ەسكەرتتى.

اتاپ ايتقاندا، مەملەكەت باسشىسى قالادا مەديتسينالىق، ءبىلىم بەرۋ جانە سپورت نىساندارىنىڭ سانىن كوبەيتۋ قاجەتتىگىن اتاپ ءوتتى. زاۋىتتىڭ ەڭبەك ۇجىمى وكىلدەرى قازاقستان پرەزيدەنتىنىڭ باستامالارىنا جانە ەلىمىزدە جۇزەگە اسىرىلىپ جاتقان مەملەكەتتىك باعدارلامالارعا قولداۋ بىلدىرەتىندەرىن جەتكىزدى.