شىعىس قازاقستان اتاۋىن «التىن التاي» دەپ اۋىستىرۋ ۇسىنىلدى

وسكەمەن. قازاقپارات - وسكەمەندە ءوتىپ جاتقان «التاي - تۇركى الەمىنىڭ التىن بەسىگى» اتتى حالىقارالىق كونفەرەنسيادا شىعىس قازاقستاننىڭ اتاۋىن التىن التاي دەگەن اتقا اۋىستىرۋ ۇسىنىلدى، دەپ حابارلايدى قازاقپارات ءتىلشىسى.

 كونفەرەنسيانىڭ پلەنارلىق وتىرىسىندا ءسوز العان اكادەميك عاريفوللا ەسىم «التىن ادامنىڭ» ءتۇر- ءتۇرى تابىلىپ جاتقان شىعىس قازاقستانعا التىن التاي اتاۋى جاراسادى دەگەن پىكىر ايتتى.

 «تونالىپ جەتكەن التىننىڭ ءوزى ۇلكەن بايلىق. التىن ادام ارحەتيپ قانا ەمەس، ول التىن يدەيا. ەلباسى وڭتۇستىك قازاقستان وبلىسىن تۇركىستان قىلىپ وزگەرتتى. ماعجان اقىن بۇل ءوڭىردى التىن التاي دەپ جىرعا قوسقان. ەلباسى جولىمەن شىعىس قازاقستان وبلىسىن التىن التاي دەپ اتاسا، كەرەمەت بولار ەدى. باتىس قازاقستان جۇرتى وزدەرىن اق جايىق دەپ اتاۋدى باياعىدان ۇسىنىپ كەلەدى. سوندىقتان بۇل وڭىرگە التىن التاي دەگەن اتاۋ جاراسادى» - دەدى فيلوسوف.

اۆتور: ەسىمجان ناقتىباي